Aımaqtyq komıssııa ýaqtyly sheshimder qabyldaıdy.
"Búgingi kúni oblysta 84 adam jaman indetke ushyraǵan. Sonyń 48 syrqatynan emdeldi. Sońǵy kezderi syrqatqa ushyraǵandardyń bári syrttan kelgender. Reseı Federasııasymen aradaǵy shekara ashylǵannan beri 3 sanıtarlyq-baqylaý pýnkti jumys isteıdi, olardan kúnine stýdentter jáne vahtalyq ádispen jumysqa barǵandar, júk tasymalymen aınalysýshylar bar – barlyǵy 400-deı adam ótedi. Dertti syrttan ákelip jatqandar osylar. Qazir 35 adam emdelýde, 31 jaǵdaıy qanaǵattanarlyq, 3 bir qalypty, al bireýiniń jaǵdaıy aýyr.
28 sáýirden bastap karantındik rejimniń jeńildetilýi bastalǵan. Qazir ónerkásip, qurylys, saýda oryndary men qyzmet kórsetý salasy tolyq kúshinde jumys istep tur. 80 myńnan artyq adam jumys oryndaryna oraldy. Oblys ishindegi jáne oblysaralyq qatynastar barlyq kólik túrlerine ashylǵan. Alaıda, oblysta karantındik sharalar áli de jalǵasýda. Sońǵy kezderi naýqasqa ushyraǵandarmen kontaktide bolǵan adamdardyń boıynan dert kóp tabylýda. Jýyrda úsh jasar bóbektiń boıynan da dert tabyldy. Onyń álegimen balalar baqshasy túgelimen 14 kúnge karantınge jabyldy. Qazir kontaktige túsken adamdar anyqtalýda.
Sońǵy úsh kúnde derttiń kóbeıýi 16,6 paıyzǵa artqan. Sondyqtan óńirde karantındik sharalarmen qatar sanıtarlyq rejim kúsheıetin bolady. Sonyń ishinde ishinde balalardyń jazǵy demalys lagerleriniń, kınozaldardyń, kompıýterlik klýbtardyń, oıyn alańdarynyń jáne saýda-oıyn-saýyq ortalyqtaryndaǵy fýd-korttardyń ashylý merzimi keıinge shegeriledi", - dedi Asqar Saqypkereev.
Soltústik Qazaqstan oblysy
