Birinshisi, "Barselonanyń" kapıtany Lıonel Messıdiń esimi Ispanııa chempıonatynda 12 maýsym boıy 20-dan asa gol soqqan tuńǵysh fýtbolshy retinde tarıhta qalǵany jaıynda biz buǵan deıin de jazdyq. Syrt alańda "Malorqaǵa" qarsy kezdesýde Argentınanyń juldyzy bir ret nysanany dál kózdep, eki ret ońtaıly pas berdi. Nátıjesinde, bul match 1:4 esebimen katalonııalyq komandanyń paıdasynan sheshildi.
Ekinshisi, Serhıo Ramostyń erligi. "Real" men "Eıbar" arasyndaǵy básekede koroldyq klýbtyń kapıtany 30 mınýtta qarsylastar qaqpasynan sańlaý taýyp, La Lıgadaǵy 67 goldyń avtory atandy. Osylaısha ol Ispanııa birinshiliginde eń kóp gol soqqan qorǵaýshylar saıysynda Ronald Kýmandy qýyp jetti. 1989-1995 jyldar aralyǵynda "Barselonanyń" namysyn qorǵaǵan dańqty nıderlandyq fýtbolshy da 67 márte mergendik tanytqan edi. Endi 34 jastaǵy Ramosqa oıynshy retindegi karerasyn áldeqashan aıaqtaǵan Kýmandy basyp ozýyna tamasha múmkindik týyndap otyr.
