Aımaqtar • 17 Maýsym, 2020

Maýsym aıynda Nur-Sultan jedel járdem stansııasyna qońyraýlar sany 3,5 ese artty

11 ret kórsetildi

Elordalyq jedel járdem dırektory muny azamattardyń karantın talaptaryn saqtamaýymen baılanystyrady, - dep habarlaıdy elorda ákimdiginiń resmı saıty.

Maýsym aıynyń basynan Qazaqstan astanasynda jedel járdem stansııasyna qońyraý shalý sany kúrt ósti.

"Maýsym aıynyń basynan qońyraý sany 3,5 ese ósti. Eger tótenshe jaǵdaı kezinde kún saıyn bizge myńǵa jýyq qońyraý kelip tússe, qazir rejım álsiregennen keıin eki myńnan asady. Meniń oıymsha, bul azamattardyń karantındi saqtamaýymen baılanysty. Men barlyǵyn sanıtarlyq talaptardy qatań saqtaýǵa shaqyrǵym keledi", deıdi qalalyq jedel járdem stansııasynyń dırektory Murat Orazbaev.

Onyń aıtýynsha, qazirgi ýaqytta qalalyq jedel járdemde 12 "103" pýlti jáne qosymsha segiz baılanys ortalyǵy bar.

"Baılanys ortalyǵynyń operatorlary qala turǵyndarynyń koronavırýs ınfeksııasyna qatysty suraqtaryna jaýap beredi. Olar KVI belgileri paıda bolǵan kezde qaıda barý keregin, qaıda test tapsyrýǵa bolatynyn bile alady. Baılanys ortalyǵy "103-ke" júktemeni edáýir azaıtty", – dedi M.Orazbaev.

Kún saıyn Nur Sultanda 112 brıgada jumys jasaıdy: 72 qalalyq jedel járdem jáne emhanalardaǵy 40 brıgada.

Sońǵy jańalyqtar

Uqsas jańalyqtar