Koronavırýs • 17 Maýsym, 2020

Koronavırýstyń emi tabyldy

42782 ret kórsetildi

Bul jańalyqty búgin tús aýa DDSU jarııalady. Medısına tilinde "deksametazon" dep atalatyn dáriniń baǵasy 10 AQSh dollarynan az turady. Álem halqyn kóp kúttirgen preparat   1960 jyldan beri qoldanysta ıe eken, - dep habarlaıdy Egemen.kz  DDSU-nyń saıtyna siltema jasap.   

Uıym basshysy Tedros Adhanom Gebreıesýs búgin tańerteń jýrnalıstermen kezdesken kezde "deksametazon" dep atalatyn preparattyń synama nátıjelerin "ǵylymı serpilis" dep baǵa berdi.

Sebebi álemdik qaýymdastyq   preparat indetten ólim-jitim sanyn úshten birge azaıtady dep úmittenip otyr. "Sársenbide Dúnıejúzilik densaýlyq saqtaý uıymy (DDSU) Ulybrıtanııada ótkizilgen klınıkalyq zertteýlerdiń alǵashqy nátıjelerin maquldady jáne kortıkosteroıdty deksametazon koronavırýsy aýyr naýqastar úshin ómirlik mańyzy bar ekenin kórsetti", delingen uıymnyń saıtynda.  Baǵasy  10 dollardan az turatyn bul preparatty qoldanǵan kezde  ventılıatorlarǵa qosylǵan naýqastardyń ólimi úshten birge, al ottegige muqtaj adamdar arasynda besten bir bóligi azaıdy. Preparattyń artyqshylyǵy tek aýyr naýqastarda baıqalady.  

"Bul keremet jańalyq, men Ulybrıtanııa úkimetin, Oksford ýnıversıtetin, aýrýhanalar men osy ǵylymı jetistikke úles qosqan pasıentterdi quttyqtaımyn.  Nátıjeler kórsetkendeı, bul preparat koronavırýsty ottegi maskasy nemese mehanıkalyq jeldetýdi qajet etetin pasıentterdiń ólimin azaıtady", dedi DDSU jetekshisi Tedros Adan Gebreısýs.

Deksametazon – steroıdty gormon, ol 1960-shy jyldardan bastap belgili bir jaǵdaılarda qabynýdy azaıtý úshin, sonyń ishinde qaterli isiktiń keıbir túrlerin azaıtý úshin qoldanylady.  1977 jyldan bastap DDSU negizgi dárilik zattardyń úlgilik tizimine birneshe formýlamen engizilgen jáne qazirgi ýaqytta kóptegen elderde patenttelgen jáne  baǵasy qol jetimdi. 

Aqpan aıynda Jenevada DDSU zertteý jáne damytý jospary boıynsha ótken jıynda  koronavırýsty emdeýdiń densaýlyq saqtaý tehnologııalaryn engizýdi jedeldetýge baǵyttalǵan jáne steroıdtardy qoldaný boıynsha odan ári zertteýlerge basymdyq berilgen bolatyn.  DDSU koronavırýspen kúresý úshin ómirlik mańyzdy dári-dármekter men vaksınalardy jasaý boıynsha barlyq seriktestermen jumysty jalǵastyratyndyǵyn málimdedi.

Aıta ketý kerek, Oksford ýnıversıteti ǵalymdarynyń zertteý nátıjeleri boıynsha qabynýǵa qarsy qoldanylǵan deksametazonnyń arqasynda koronavırýstan ólim kórsetkishi kúrt tómendegen.

Ulybrıtanııa basshylary kúni keshe bul dárini COVID-19-ǵa qarsy qoldanýǵa ruqsat bergen edi.

Sońǵy jańalyqtar

Bıatlonshylar Antholske attandy

Sport • Búgin, 02:01

SQO «qyzyl aımaqqa» endi

Aımaqtar • Keshe

Uqsas jańalyqtar