Álem • 18 Maýsym, 2020

Fransııada medısına qyzmetkerleri sherýge shyqty

49 ret kórsetildi

Karantın kezinde mıllıondaǵan fransýz qol shapalaqtap, koronavırýspen kúresip jatqan medısına qyzmetkerlerine qurmet kórsetken edi. Endi olar sherýge shyǵyp, qural-jabdyqtardyń jetispeýine narazylyq bildirdi, - dep jazady Egemen.kz

Narazalyq bildirýshiler qatarynda – dárigerler, medbıkeler, ákimshilik qyzmetkerlerler jáne medısınalyq-áleýmettik ortalyqtardyń qyzmetkerleri bar. Olar sońǵy jyldary Fransııa aýrýhanalarynda materıaldyq jáne adam resýrstarynyń jetpeıtini, sondaı-aq qarqyndy terapııa bólimi men tósek sanyń qysqarǵany jóninde aıtyp, jan aıqaıyn jetkizdi. Sherýge shyqqandar densaýlyq saqtaý salasynda bıýdjettiń qysqarýy sebepti daǵdarys kezinde qıyndyqtarǵa tótep bere almaǵanyn aıtýda.

"Aýrýhanalarǵa kadrlar, qajetti qural jabdyqtar kerek. Túnde jumys isteý kúndizgige qaraǵanda qıyn ekenin bile tura túngi kezekshilikter úshin artyq tólenbeıdi.19 jasar qyzǵa COVID-19 kesirinen jetim qalǵany týraly aıtýyma týra keldi. Sebebi, onyń anasyna qaraýǵa bizdiń múmkindigimiz bolmady. 20 jastaǵy pasıent pen 60 jastaǵy naýqas arasynda tańdaý jasaýǵa týra keldi. Aýrýhanada oryn bolmaǵanynan naýqastarǵa kómek kórsetilmeı, qaıtys boldy", deıdi sherýge shyqqandardyń biri. 

Euronews agenttiginiń málimetinshe, medısına qyzmetkerleri aı saıynǵy jalaqy kólemin 300 eýroǵa deıin kóterýdi talap etti. Medbıkelerdiń biri 20 jyldan beri jumys istep kele jatqanyna qaramastan aıyna 1900 eýro alatynyn, onyń eldegi eń tómen jalaqydan 700 eýroǵa ǵana artyq ekenin aıtty. Aıta ketý kerek, Brıýsseldegi málimetter boıynsha, Fransýz medbıkeleri Batys Eýropada eń az jalaqy alatyndardyń qatarynda.

Osylaısha on myńǵa jýyq densaýlyq salasy qyzmetkerleri Lıon, Bordo, Marsel jáne Parıjdegi narazylyq sherýlerine qatysty. Olar el bıliginen daǵdarystan keıin densaýlyq saqtaý júıesindegi olqylyqtardy túzetýdi talap etti.

Prezıdent Emmanýel Makron medısına qyzmetkerlerine qatysty ınvestısııa men qyzmetkerlerdiń jalaqysyn kózdeıtin aýqymdy jospar ázirleýge ýáde berdi. Kelissózder júrgizilgenine qaramastan, sherýge shyqqandar bunyń bári bos sóz ekenin aıtýda.

Sońǵy jańalyqtar

Elordanyń damý dańǵyly

Elorda • Keshe

«Nur-Sultan kitaphanasy»

Elorda • Keshe

Qattalǵan tarıh qazynasy

Elorda • Keshe

Ahańnyń adaldyǵy

Ahmet Baıtursynuly • Keshe

Qaraly kezeń kartınasy

Qazaqstan • Keshe

Parıjge syımaǵan Pol

О́ner • Keshe

Qarttar úıindegi vals

Qoǵam • Keshe

Dollar qaıta kóterildi

Qarjy • Keshe

Uqsas jańalyqtar