Ahýaldyń kúrdelenýine baılanysty oblys prokýrorynyń ókimimen oblys ákimdigimen birlesip jergilikti atqarýshy jáne ýákiletti organdardyń basshylarynan turatyn óńirlik monıtorıngtik top quryldy. Odan bólek qala, aýdan ortalyqtarynda 32 monıtorıngtik top jumys atqaryp, kúndelikti reıdtik is-sharalar júrgizilýde. Olardyń mindeti karantın ýaqytynda bazarlar, qoǵamdyq tamaqtaný oryndary, dúkender jáne taǵy da basqa qyzmet kórsetý ortalyqtarynda sanıtarlyq talaptardyń saqtalýyna baqylaý júrgizý.
Keshe óńirlik monıtorıngtik top jetekshisi oblys prokýrorynyń orynbasary D.Kataev, oblystyń bas sanıtarııalyq bas dárigeri A.Abdıkaımova jáne Qyzylorda qalasy ákiminiń orynbasary B.Nýrıddınov Qyzylorda qalasyndaǵy "Otyrar" saýda úıin aralap, saýda úıiniń basshylyǵyna satýshy qyzmetkerlermen bet perdesiz, qolǵapsyz jumys istep jatqany, tómengi qabatta jeldetý júıesiniń jumys istemeıtini týraly eskertildi.
О́z kezeginde "Otyrar" saýda úıi basshylyǵy kemshilikterdi joıatynyn, ol úshin 2 kúnge saýda úıiniń tómengi qabatyn jabatynyn jetkizdi. Búgingi kúnge deıin toptarmen 7920 nysan tekserildi. Onyń 4566-na eskertý paraqtary berildi. Bul nysandarda ara qashyqtyq saqtalmaıdy, qyzmetshiler bet perdesiz, qolǵapsyz jumys istep jatqany anyqtaldy. Mysaly, "Small" saýda úıinde 2 kassırdiń qolǵapsyz halyqqa qyzmet jasap turǵany anyqtalyp, toppen tıisti qujattar rásimdelip, Ákimshilik quqyq buzýshylyq týraly kodeksiniń 462-babynyń 3-bóligimen negizinen qaraý úshin sotqa joldanǵan.
Jalpy 10 tulǵaǵa qatysty ákimshilik hattama toltyrylyp, sotqa joldandy. Monıtorıngtik toptarmen shekteý jáne qaýipsizdik sharalarynyń saqtalýyna baǵyttalǵan reıdtik sharalar jalǵasa beredi.
