Ákimdikter men halyqty jumyspen qamtý ortalyqtaryna júginetin azamattar úshin alfavıttik tártippen ótinish berý grafıgi kózdeledi. Halyqtyń jappaı shoǵyrlanýyn boldyrmaý úshin Eńbekmıni memlekettik ınstansııalarǵa tıisti usynys berdi.
Sondaı-aq III toqsanda AÁK taǵaıyndaý merzimi uzartylmaıdy. Aıta keteıik, I toqsandaǵy ataýly áleýmettik kómek alýshylarǵa sol kezde tótenshe jaǵdaı rejıminiń áreket etýine baılanysty tólemder taǵaıyndaý merzimi uzartylǵan bolatyn.
Elimizdiń barlyq óńirinde AÁK kórsetýdiń jańa tetigin iske asyrý sheńberinde tabysy az otbasylardyń mektep jasyna deıingi balalaryn kepildik berilgen áleýmettik toptamamen (budan ári – áleýmettik toptama) qamtamasyz etý boıynsha jumystar júrgizilýde.
Aǵymdaǵy jyldyń 5 aıynda alýshylardyń jalpy sany 122,3 myń otbasyn nemese 629,9 myń adamdy qurady.
1 jastan 6 jasqa deıingi balalarǵa arnalǵan áleýmettik toptama azyq-túlik jıyntyǵyn jáne turmystyq hımııa taýarlarynyń jıyntyǵyn qamtıdy. 6 jastan 18 jasqa deıingi balalar úshin mektepterde ystyq tamaq, oqý quraldary men mektep kıimderin berý kózdeledi. Sondaı-aq, osy sanattaǵy balalar úshin mektepke deıin jol júrý aqysy óteletin bolady.
Azyq-túlik jıyntyǵy balalardyń jas sanatyna baılanysty quramy boıynsha erekshelenedi: 1-den 3 jasqa deıin jáne 3-ten 6 jasqa deıin, biraq óńirge qaramastan áleýmettik toptamanyń quramy birdeı bolady. Jınaqtardyń quramy fızıologııalyq erekshelikterdi, azyq-túliktiń taǵamdyq jáne energetıkalyq qundylyǵynyń araqatynasyn jáne jasyna sáıkes olardy paıdalaný normalaryn eskere otyryp, Densaýlyq saqtaý mınıstrliginiń usynymdary negizinde qalyptastyryldy. О́nimder dárýmendelgen, bul ósip kele jatqan organızmdegi dárýmenderdiń jetispeýshiligin tolyqtyrýǵa múmkindik beredi.
