Buǵan deıin biz Dáýren Eleýsinov pen Arman Rysbektiń, Talǵat Sháıken men Berikbaı Nurymbetovtyń jáne Tursynbaı Qulahmet pen Saǵadat Raqymanqulovtyń ózara sheberlik baıqasatyny jaıynda jazǵanbyz. Bul qandastarymyzdyń barlyǵy da áýesqoı rıngte eleýli tabystarǵa qol jetkizip, ózderiniń myqtylyǵyn moıyndatqanyna eshkimniń kúmáni joq. Mine, endi olar kásipqoılar arasynda ózderiniń alǵashqy qadamdaryn jasaýda.
Búgin sharshy alańǵa shyǵatyn tórtinshi jup anyqtaldy. 14 shildede Abaı Tólesh pen Saparbaı Aıdarov saıysqa túsedi. Olar da áýesqoılar arasynda respýblıkalyq jáne halyqaralyq týrnırlerde júlde alǵan. Qazaqstan chempıonatynda jeńis tuǵyryna kóterildi. Kásipqoı rıngte Abaı bes kezdesý ótkizip, barlyǵynda ústemdik tanytty. Úsh básekeni merziminen buryn aıaqtady. Saparbaı da jeńilstiń kermek dámin tatqan emes. Tórt jekpe-jektiń ekeýinde ol qarsylasyn nokaýtqa jiberdi.
