Túrkistan oblysy ákiminiń orynbasary Joldymurat Amanbaev medısına qyzmetkerlerin kásibı merekelerimen quttyqtap, eńbegimen daralanǵan birqatar aq halatty abzal jandardy marapattady. Karantın rejimine baılanysty qalǵan medısına qyzmetkerleriniń marapattary jumys oryndaryna joldandy. Qoǵamdyq densaýlyq basqarmasynyń basshysy Marat Pashımov óz kezeginde medısına salasyn jetildirý maqsatynda, óńirde mamandardyń biliktiligin joǵarylatý júıeli túrde júzege asyrylyp jatqandyǵyn atap ótti. "Kadrlardyń biliktiligin arttyrý jáne olardy qaıta daıarlaý» baǵdarlamasy boıynsha 2020 jyldyń 5 aıynda 823 maman biliktiligin arttyrdy. Onyń ishinde 44 maman Reseıdiń Novosibir, Sankt-Peterbýrg qalalarynda biliktilikterin arttyryp, áriptesterimen tájirıbe almasty. Bıyldyń ózinde mamandardyń joǵary kásibı deńgeıleriniń arqasynda Túrkistan oblystyq klınıkalyq aýrýhanasynda 17 jáne oblystyq balalar aýrýhanasynda 80 kúrdeli ota jasalǵan. Emdeý mekemeleriniń medısınalyq qural-jabdyqtary da úzdiksiz tolyqtyrylýda. Bıyl jansaqtaý bólimsheleri 7 dana loporoskopııalyq hırýrgııaǵa arnalǵan vıdeoendoskoptyq jıyntyqpen, 9 dana ýltradybystyq júıelermen, 38 dana narkoz apparattary men ókpege jasandy dem berý qurylǵylary, kompıýterlik tomograf qural – jabdyqtarymen qamtyldy", dedi basqarma basshysy.
