15-18 maýsym aralyǵyndaǵy monıtorıngtik top ShOB-tyń jalpy 276-ǵa jýyq nysanyn tekserdi. Bas memlekettik sanıtar dárigeriniń qaýlysyna sáıkes bolmaı shyqqan tártip buzýshylyqtar kelesi nysandardan anyqtaldy:
− qalanyń ártúrli aýdandarynda ornalasqan iri ("Imran", "Saıahat", "Syrmaq", "Qazan") ashanalary jáne ("Laǵmanhana", "Peshera", "Pekınskaıa ýtka", COFFEEROOM & TRATTORIA, Comein, "Mıata laýnj","Shashlykoff" "Grýzınskaıa kýhnıa", "Ý Afanasıcha", "Grýzınskaıa kýhnıa Chachapýrı") meıramhanalary;
− tez ázirlenetin fastfýd jelileri ("Shashlychnaıa", "Dostar", Meat & beer, "Chaı la", Mr.Donerci, "Chaıhana", Mr.Donerci, "Hot dog");
− kishigirim kafeterıı jelileri ("Alataý", "Dom", "Kofeınıa", "KOT kofeınıa", "Teplısa", Holder, "Nedel", Kitchen shisha, "Blınnaıa", , Chak-chak "Kafe bystrogo pıtanııa", Doner Burger Pizza, "Aq Bulak", "Atýsh", "Vostochnaıa Kýhnıa");
− azyq-túlik dúken jelileri ("Juldyz", "Ádil", "Aı", "Akjar", "Araı", "Azııa", Respect, Rieker);
− sulýlyq salondary men shashtaraz jelileri (Musthave Barbershop, Insta salon, "Bıýtı D ı B", VIRABEAUTYCLUB, "Arzý", "Avessa"-3, Barber Shop, "Natalı");
− qonaqúı jelileri (ALTAI Business Hotel, Absolute);
− notarıýs jelileri (Mııatova G.D JK, Nýrekına G.S. JK, Lı T.M.JK Notarıýsy, Hasanova M.D.JK Notarıýsy, Shıngısbaeva T.K JK Notarıýsy, Abdrashıtov JK Notarıýsy, Abıshev T.B JK Notarıýsy);
sondaı-aq Mobilnik mobıldi aksessýarlar dúkeninen, frızerli balmuzdaq satatyn dúńgirshekterden, A-Apteka dárihanasynan, aıaq kıim jóndeý oryndarynan, oqý ortalyǵynan, "Dental", Energo Ekspertıza stomatologııalyq ortalyqtarynan, Tas Kredıt, "Altyn Garant" lombardtarynan jáne "Almaty Gaz" abonettik esepteý ortalyǵy» JShS-nan zańǵa qaıshy áreketter baıqaldy.
Epıdemıologter sanıtarlyq talaptardy saqtaýdyń mańyzdylyǵyn qaıta-qaıta eskertip otyr. Alaıda joǵaryda atalǵan nysandardan mynadaı tártip buzýshylyqtar anyqtaldy:
- áleýmettik qashyqtyq belgileriniń bolmaýy;
- baılanyssyz termometrııanyń saqtalmaýy;
- jeke qorǵaný quraldaryn tıisinshe paıdalanbaý jáne kádege jaratpaý;
- esepke alý jýrnalynyń bolmaýy;
- sanıtaızerlerdiń bolmaýy;
- pavılondardyń kireberisterinde dezınfeksııalaý kilemsheleriniń bolmaýy;
- paıdalanylǵan maskalar men qolǵaptar úshin qoqys jáshikteriniń bolmaýy;
- azyq-túlik dúkenderinniń ónimderinde qorǵaý plenkalarynyń bolmaýy.
Sonymen birge júrgizilgen tekserýlerdiń nátıjesi boıynsha anyqtalǵan tártip buzýshylyqtar joıylǵanǵa deıin 22 nysannyń qyzmeti toqtatyldy. Olardyń arasynda Yes Style aıaq kıim býtıgi, Luisa Spagnoli kıim býtıgi, Via Roma kıim býtıgi, "Aktıv" lombardy, Luckee Yu, "Salem", "Eden", "Chaıhona №1", London, "Stolovaıa", "Ý Anarycha", Bazzlama, "Lagmanhana", "Aısha", "Akjol" kafeterııleri, "BEER", "Prodýkty", "Panda", "To, chto nado", "Nastıa", "Ǵalym" azyq-túlik dúkenderi, "Baıan sulý" sulýlyq salondary bar.
Almaty qalasy boıynsha barlyǵy 3442 nysan tekserildi. Solardyń ishinde 402 nysannan talaptardyń buzylǵany anyqtaldy. Osyǵan baılanysty eskertýlerdi túzetkenge deıin 303 nysannyń qyzmeti toqtatyldy (solardyń ishinde 284 nysanǵa basshylyqtyń sheshimimen jáne 19 nysanǵa qaýlylar boıynsha) tıisti sharalar qoldanylatyn bolady. Sondaı-aq qoǵamdyq kólikte sanıtarlyq talaptardyń saqtalýyna erekshe kóńil bólinýde. Osy maqsatta 16 maýsymda №102, 48, 19, 115 baǵyttardaǵy qoǵamdyq kólikterge tekserý júrgizildi. Tekseris barysynda jolaýshylardyń, júrgizýshiniń jeke qorǵanys quraldaryn paıdalaný jáne joıýdyń erejelerin durys saqtamaǵandyqtary anyqtaldy. Atalǵan avtoparkterdiń basshylaryna usynys hattar daıyndalady. Epıdemıologter avtobýs jolaýshylaryna KVI-dy aldyn alý boıynsha túsindirý jumystaryn júrgizdi.
Eske sala keteıik, Almaty qalasynyń ákimi Baqytjan Saǵyntaevtyń bastamasymen monıtorıngtik toptardyń jumysy jalǵasýda, olardyń quramyna taýarlar men qyzmetterdiń sapasy men qaýipsizdigi aýdandyq departamentteriniń, kásipkerlik bólimderiniń, «Atameken» aımaqtyq palatasynyń ókilderi, polısııa qyzmetkerleri jáne BAQ ókilderi kiredi.
