Qazaqstan • 22 Maýsym, 2020

1 shildeden bastap kópbalaly otbasylarǵa ózgergen járdemaqy beriledi

6276 ret kórsetildi

Jyl basynan beri Qazaqstanda 400 myńǵa jýyq kópbalaly otbasy arnaıy járdemaqy aldy. Bul týraly Eńbek resýrstaryn damytý ortalyǵynyń baspasóz qyzmetine silteme jasaı otyryp Egemen.kz habarlaıdy.

2020 jyldyń 1 qańtarynan bastap, elimizde kópbalaly otbasylarǵa arnaıy járdemaqy engizildi. Járdemaqy tórt nemese odan da kóp kámeletke tolmaǵan balalary nemese 23 jasqa deıingi kúndizgi oqýda oqıtyn stýdentterge, olardyń tabystaryna qaramastan taǵaıyndaldy.

Tólem mólsheri balalardyń sanyna baılanysty tórt balasy bar − 44 448 teńgeden jeti nemese odan da kóp 77 784 teńgege deıin berildi. Búginde sonyń shamamen 392 myńy tabystaldy. Alaıda tólem alýshylar qoldanystaǵy erejelerdiń belgili bir sanatyn buzǵan edi. Sol sebepti de on alty balasy bar otbasy jeti balasy bar otbasy sııaqty teń mólsherde alyp júrdi.

Atalǵan olqylyqtardy joıý úshin Memleket basshysy ústimizdegi jyldyń 13 mamyrynda segiz jáne odan kóp balaly otbasylarǵa arnaıy jeńildikter belgilengen zańǵa qol qoıdy. Sonymen segiz balasy bar otbasy úshin járdemaqy 88 896 teńge, toǵyz balamen 100 008 teńge, ári qaraı 10 − 111 120 teńgeden, 11 − 122 232 teńgeden, 12 − 133 344 teńgeden, 13 − 144 456 teńgeden belgilense, 14 − 155 568 teńgeden, 15 − 166 680 teńgeden jáne 16 balasy bar 177 792 teńgeden beriletin boldy.


Qazirgi tańda Eńbek jáne halyqty áleýmettik qorǵaý mınıstrligi, Eńbek, áleýmettik qorǵaý jáne kóshi-qon komıtetiniń aýmaqtyq departamentteri járdemaqynyń joǵarylaýyna baılanysty 1092 jýyq iske sheshim qabyldady.

Járdemaqy mólsheri kámeletke tolmaǵan balalar sanynyń, onyń ishinde orta, tehnıkalyq jáne kásiptik uıymdarda kúndizgi bólimde oqıtyn, orta, joǵary jáne (nemese) joǵary oqý ornynan keıingi bilim alǵan balalar sanynyń ózgerýine baılanysty qaıta esepteledi. Biraq olar bilim berý uıymdarynyń qyzmeti toqtatylyp jáne kámeletke tolǵanǵa deıin (biraq jıyrma úsh jasqa tolǵanǵa deıin) 2020 jyldyń 1 shildesinen bastap kópbalaly otbasylar ózgergen járdemaqy mólsherin ala bastaıdy.

Sońǵy jańalyqtar

«Omıkron» «Toıotany» qyspaqqa aldy

Tehnologııa • Búgin, 14:00

Bir kúnde 3907 adam koronavırýstan aıyqty

Koronavırýs • Búgin, 09:45

15169 adam koronavırýs juqtyrdy

Koronavırýs • Búgin, 09:17

Uqsas jańalyqtar