Atap aıtsaq, 22 maýsymnan bastap zerthanalardyń qýattylyǵy artady. Búgingi kúni PTR testileý alty arnaıy mamandandyrylǵan zerthanalarda júrgiziledi. Táýekel sanatyna jatatyn adamdar ǵana testileýden tegin ótedi. Sonymen qatar, aqyly túrde PTR ádisimen testileýden ótýge bolady.
"Olımp" zerthanasynyń jumysy qaıta qolǵa alynady. 24 maýsymnan bastap "Nurly taý" bıznes ortalyǵy janyndaǵy qorshaýly pýnkti bar zerthana jumysyn bastaıdy. Al, 26 maýsymda "ATAKENT" QIYO aýmaǵyndaǵy táýligine 1 myńǵa jýyq testileý júrgizetin jetinshi zerthana kelýshilerdi qabyldaı bastaıdy. Atalǵan zerthanada táýligine 5 myńǵa deıin testileý júrgizýge bolady.
KVI juqtyrǵan naýqastarǵa medısınalyq kómek qoljetimdi bolýy úshin 22 maýsymnan bastap jedel medısınalyq kómek aýrhanasynyń bazasynda burynnan bar 600 provızorlyq oryn janyna taǵy da qosymsha 300 oryn qosylady. Birqatar medısınalyq mekemelerdi qosymsha beıimdeý barysynda ınfeksııalyq tósekter sany artady.
Almatyda koronavırýs ınfeksııasyn juqtyrǵany rastalǵan pasıentterdi 9 ınfeksııalyq stasıonar qabyldaýda, bularda 1409 naýqas em alyp jatyr. Qazirgi kezde 14 naýqastyń jaǵdaıy óte aýyr, 131 pasıent aýyr jaǵdaıda, al 937 naýqastyń jaǵdaıy ortasha.
Bulardan ózge, kópbeıindi stasıonarlar shtatty rejımde jumys jasaýda, olar naýqastardy táýlik boıyna, tipti jedel túrde qabyldaıdy.
О́kpeniń qabynýy (pnevmonııa) dıagnozyn der kezinde anyqtaý úshin kompıýterlik tomografııalyq tekserýdi usynatyndardyń reestri jasaldy. Olardyń arasynda memlekettik klınıkalarmen qatar jeke medısınalyq qyzmet kórsetetinder de bar. Taǵy 2 kompıýterlik tomografııa qosymsha satyp alyndy. Qalanyń barlyq emhanalarynda rentgenografııa kabınetteri jumys isteýde.
Halyqpen keri baılanysty qamtamasyz etý úshin qalada Qoǵamdyq densaýlyq basqarmasynyń biryńǵaı baılanys ortalyǵy jumys jasaýda, oǵan 3000-103 nómiri arqyly habarlasýǵa bolady, bul baılanys emhanalardyń call-ortalyqtarymen bir jelide.
Sımptomsyz naýqastar jaǵdaılarynyń aýyr nemese jeńil ekenin anyqtaý úshin monıtorıng júrgiziledi. Bul ispen ár emhanadaǵy arnaıy oqýdan ótken mobıldi brıgada aınalysady. Sonyń arqasynda naýqastarǵa sapaly medısınalyq kómek kórsetilýde.
Qalanyń barlyq medısınalyq uıymdary qajetti dárilermen qamtamasyz etilgen. Olardyń jetkilikti qory bar.
Júzege asyp jatqan osynaý qosymsha pármendi sharalar COVID-19-ǵa qarsy kúrestiń tıimdiligin arttyryp, jaǵdaıdy turaqtandyrýǵa oń yqpalyn tıgizetin bolady.
