Aımaqtar • 22 Maýsym, 2020

Aqmolada turǵyn úıge 24,7 mlrd teńge ınvestısııa salyndy

37 ret kórsetildi

Aqmola oblysynda bıylǵy 5 aıda turǵyn úı qurylysyna 24,7 mlrd teńge ınvestısııa salyndy. Bul týraly IIDM baspasóz qyzmetine silteme jasaı otyryp Egemen.kz habarlaıdy.

2020 jyly Aqmola oblysynda qarjylandyrýdyń barlyq kózderi esebinen 570 myń sharshy metr nemese 5300 turǵyn úı salý mindeti tur.

5 aı ishinde óńirde turǵyn úı qurylysyna 24,7 mlrd. teńge ınvestısııa baǵyttalyp, jalpy alańy 239,3 myń sharshy metr bolatyn 2085 turǵyn úı paıdalanýǵa berildi.

"Nurly jer" turǵyn úı-kommýnaldyq damytý memlekettik baǵdarlamasy sheńberinde bıyl óńirde ınjenerlik-kommýnıkasııalyq ınfraqurylym jáne turǵyn úı qurylysyna 10,4 mlrd. teńgege 49 jobany iske asyrý kózdelgen. 595 jumys orny ashylady.

49,4 myń sharshy metr nemese 1 002 jalǵa beriletin jáne kredıttik turǵyn úıdi paıdalanýǵa berý josparlanǵan.

Onyń ishinde satyp alýsyz jalǵa beriletin turǵyn úı qurylysyna 21 jobany iske asyrý úshin 2,9 mlrd. teńge qarastyrylǵan. Bıyl 5 aıdyń qorytyndysynda qarjylandyrý jospary boıynsha ákimdikke 357,4 mln.teńge aýdaryldy. Jyl sońyna deıin 13,9 myń sharshy metr nemese 290 jalǵa beriletin turǵyn úıdi paıdalanýǵa berý josparlanǵan. Bul úılerdiń qurylysyna barlyǵy 202 adam jumysqa tartylady.

Kredıttik turǵyn úı qurylysyna 13 jobany iske asyrý úshin 5,6 mlrd. teńge qarastyrylǵan. Oǵan 35,5 myń sharshy metr nemese 712 turǵyn úı paıdalanýǵa beriledi. 250 jumys ornyn qurylady.

Budan basqa, «Nurly jer» memlekettik baǵdarlamasy aıasynda 2% nesıe beriletin «Baqytty otbasy» baǵdarlamasyn júzege asyrýǵa bıyl respýblıkalyq bıýdjetten oblys ákimdigine 181 turǵyn úı qaryzyna 1,8 mlrd. teńge qarastyrylǵan.

Oblysta turǵyn úı qurylysy aýdandaryna ınjenerlik-kommýnıkasııalyq ınfraqurylym júrgizýge 15 jobany iske asyrý úshin 1,9 mlrd. teńge qarastyrylyp otyr. Bıylǵy 5 aıdyń qorytyndysynda 166,4 mln. teńge aýdarylyp, qarjy 100% ıgerildi. Ol jobalar boıynsha 143 adam jumyspen qamtylady.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar