"Men UBT-ny 21-i kúni Shymkent qalasy, Temirlan aýdanyndaǵy Shoqan Ýalıhanov mektebinde tapsyrdym. Testileý suraqtary maǵan ońaı boldy, ózim oqyǵan, jaqsy biletin taqyryptar keldi. Test tapsyrý kezinde baqylaýshylar bárin qarap júrdi, joǵary baldy ózimniń taza bilimimmen alyp shyqtym", deıdi Abzal Ábdimanap.
О́zine senimdi túlek bolashaqta tis dárigeri bolýdy qalaıdy. Talapker qatarlastaryna da tek óz bilimine senýge keńes berip, sáttilik tiledi.
"Endi ózimniń júrek qalaýymmen medısına salasyna túskim keledi. Bolashaqta aǵalarym sııaqty tis dárigeri bolsam deımin. О́zimnen keıin tapsyratyn talapkerlerge shpargalka syndy tyıym salynǵan zattardy alyp kirmeýge keńes beremin. О́ıtkeni, ony alyp kire almaısyzdar, kameradan bári kórinedi, baqylaýshylar da qarap turady. Qatarlastaryma aıtarym, tek ózderińizge senińizder, sizderge sáttilik tileımin", dedi shymkenttik túlek.
Abzal bos ýaqytynda kitap oqyǵandy, sportpen aınalysqandy unatady. Bizben sońǵy oqyǵan kitabymen de bólisti: "Sabaqtan bos ýaqytymda kitap oqımyn. Sońǵy oqyǵan kitabym – M. Áýezovtiń "Abaı joly" romany. Sondaı-aq dostarymmen fýtbol, voleıbol oınaǵandy unatamyn".
Túlek UBT-da 120-dan astam ball jınaýdy aldyna maqsat qoıǵan eken.
"Men aldyma maqsat qoıyp, qashanda soǵan jetýge talpynamyn. UBT-ǵa daıyndalyp júrgende 120 ball alamyn dep oıladym. Qazir 138 alǵanyma óte qýanyshtymyn", dedi Abzal.
