Bul týraly oblystyq bilim salasynda sapany qamtamasyz etý departamentiniń basshysy Erkinbek Aıazbaev aıtty.

"Ol balaǵa aldyn ala habarlady jáne test tapsyratyn orynǵa kelgen joq", - deıdi Erkinbek Aıazbaev.

–Jalpy osyndaı koronavırýs ınfeksııasyna qatysty test tapsyra almaǵan balalardy UBT ortalyǵy respýblıka boıynsha jınap, belgili bir kúndi belgileıdi. Sondyqtan olar mindetti túrde bıylǵy jyly UBT tapsyra alady.

Departament basshysynyń aıtýynsha, 22 maýsym kúni Aqtoǵaı aýdanynda - 35, Jelezın aýdanynda – 26 jáne Tereńkól aýdanynda 91 túlek test tapsyrǵan.

Jelezınde bir adam jáne Tereńkólde úsh túlek kolledjge túsýine baılanysty test tapsyrýǵa kelmegen. Sondaı-aq Tereńkólde bireýi kórshi eldiń joǵary oqý ornyna túsken.

Test tapsyrý barysynda tyıym salynǵan zattardy - telefon qoldanǵany úshin Tereńkól aýdanynda úsh adam aýdıtorııadan shyǵarylyp, nátıjesi joıyldy. Olar telefondy jasyryn alyp kirgenimen kameraǵa túsip qalǵan. Kóshirip otyrǵany monıtorǵa jazylyp, akt toltyryldy.

"Tyıym salynǵan zattardy qoldanǵany úshin jaýapkershilik týraly qol qoısa da, kóbi áli kúnge deıin mańyzdylyǵyn túsinbeıdi", - deıdi Erkinbek Aıazbaev.

-Sońynda metall izdegishpen teksergen kezde anyqtalyp jatady. Test tapsyrǵan kúni túsirilgen jazba birden Nur-Sultan qalasyna jiberiledi. Onyń barlyǵy 25 tamyzǵa deıin arnaıy baǵdarlamanyń kómegimen tekseriledi. Eger de qandaı da bir tyıym salynǵan zat qoldanǵany anyqtalsa, test nátıjesi joıylady. Mysaly, sondaı jolmen 80 baldan alǵan bolsa, odan keıin óz eńbegimen adal jolmen 79 ball alyp, oqýǵa túse almaı qalǵan balaǵa grant beriledi. Iаǵnı, taza jáne ádil sheshim qabyldanady.

Búgin Pavlodar memlekettik pedagogıkalyq ýınverısteti men Aqtoǵaı aýdanynda UBT tapsyrýda. Erteń PMPÝ, Ekibastuz jáne Aqsýda ótedi.