"Shubarkól kómir" AQ-nyń 130 qyzmetkeri COVID-19 juqtyrǵan

Qyzmetkerlerdiń koronovırýs ınfeksııasyn juqtyrǵany ónerkásiptik alańǵa shyǵar aldynda ótkizilgen PSR-testileýde anyqtaldy. Kenishke attanatyn barlyq qyzmetkerler aldyn ala oqshaýlanyp, qonaq úıde turǵan, sol jerde olardan synama alynǵan bolatyn.

"Shubarkól kómir" AQ qyzmetkerleri arasynda vahtaǵa barar aldynda PSR-testileý ótkizgenniń arqasynda aýrýdyń kenishte jappaı taralýyna jol berilmedi. 

Búginde "Shubarkól kómir" AQ shtattyq rejımde istep tur. О́ndiristik proses qandaı da bir ózgerissiz, koronovırýs ınfeksııasyn aldyn alý nusqaýlaryn muqııat saqtaı otyryp, iske asyrylady. Barlyq ǵımarattar men kólikterde sanıtarlyq tazartý jáne zararsyzdandyrý júrgiziledi, maska rejımi saqtalady. 

"Shubarkól kómir" AQ men ERG ónim tutynýshylarynyń aldyndaǵy barlyq mindettemelerin aldaǵy ýaqytta da tolyq kólemde oryndaý úshin qolynan kelgenin jasaıdy.

Barlyq qazaqstandyqtardy jeke qorǵaný erejelerin muqııat saqtaýǵa shaqyramyz: maska kııý, antıseptıkti qoldaný, qoǵamdyq jerlerge qajetsiz barmaý, barǵan jaǵdaıda qaýipsiz qashyqtyqty saqtańyzdar, delingen habarlamada