"Sizderdiń jazǵan árbir maqalalaryńyzda, daıyndaǵan sıýjetterińizde eldiń muńy men muqtajy, oıy men pikiri, talaby men tilegi, qoǵam damýynyń tynysy aıqyn kórinis taýyp otyr. О́ıtkeni jumys barysynda jurtpen etene aralasyp, «Halyq únine qulaq asatyn memleket» qaǵıdatyn júzege asyrýǵa zor eńbek sińirdińizder. Sonymen qatar kásibı biliktilikterińiz arqyly memleketimizdiń kósh basyndaǵy órkenıetti elderdiń qataryna qosylýy úshin ólsheýsiz úles qosyp kelesizder", – delingen quttyqtaýda.
Qasym-Jomart Toqaev óz quttyqtaýynda pandemııa kezinde densaýlyq saqtaý, quqyq qorǵaý salalarynyń qyzmetkerlerimen bir qatarda tynymsyz jumys istegen jýrnalısterdiń eńbegin erekshe atap ótken. Onan soń Dáýren Abaev Prezıdent syılyǵy men grantynyń ıegerlerin, Alǵysyn alǵan shyǵarmashylyq ujymdardy quttyqtady.
Memleket basshysynyń Alǵys hattary elimizdiń barlyq óńirine jiberildi. Atalǵan marapattar ár aımaqtan úzdik dep tanylǵan jýrnalısterge saltanatty túrde tabys etiledi.
