Búgin Qaraǵandy qalasynda jýrnalıst, satırık, ustaz Martbek Toqmyrza turǵan Qurylysshylar dańǵylyndaǵy №13 úıdiń qabyrǵasyna eskertkish taqta ornatyldy. Tárbıelik máni zor ónegeli istiń basy-qasynda marqumnyń shákirtteri júrdi.
Martbek Toqmyrza 1968 jyldyń 7 naýryzynda Qaraǵandy oblysynyń Qarqaraly aýdanynda dúnıege kelgen. Jýrnalıstıkadaǵy eńbek jolyn 1992 jyly Ál-Farabı atyndaǵy QazMÝ-dyń jýrnalıstıka fakýltetin támamdaǵannan keıin, «Qazaqstan-Qaraǵandy» telearnasynda bastaǵan.
Odan keıin halyqaralyq «Azattyq» radıosynda eńbek etti. О́miriniń sońǵy jyldary E.Bóketov atyndaǵy QarMÝ-dyń jýrnalıstıka kafedrasynda oqytýshysy bolyp, ustazdyq qyzmetpen aınalysty.
Martbek Toqmyrza 1999 jyly halyqaralyq «Shabyt» festıvaliniń «Jýrnalıstıka» atalymy boıynsha laýreaty bolǵan. «Máseleniń máni», «Jymııasyń sen nege?» atty kitaptardyń avtory.
Talantty jýrnalıst, ulaǵatty ustaz 2010 jyly dúnıeden ótti.
