Sapa menedjmentin engizý sertıfıkaty Abaı ýnıversıtetine tabystaldy

Aımaqtar • 30 Maýsym, 2020

Sapa menedjmentin engizý sertıfıkaty Abaı ýnıversıtetine tabystaldy

"EVROCERT" eýropalyq kompanııasynyń ISO 370001: 2016 halyqaralyq standaryna sáıkes sybaılas jemqorlyqqa qarsy kúres sapa menedjmentin engizý boıynsha sertıfıkaty Abaı atyndaǵy Qazaq ulttyq pedagogıkalyq ýnıversıtetine tabystaldy, - dep jazady Egemen.kz

Elvıra SERIKQYZY

Ýnıversıtet basshylyǵy men "EVROCERT" eýropalyq kompanııa ókilderiniń beıresmı pikir almasýynan bastalǵan shara barysynda ISO 370001: 2016 halyqaralyq standaryna sáıkes sybaılas jemqorlyqqa qarsy kúres sapa menedjmentin engizý úderisi boıynsha atqarylǵan sharalar men aldaǵy josparlar talqylandy.

Resmı bólimdi ýnıversıtet rektory Takır Balyqbaev ashyp, qatysýshylarǵa qonaqtardy tanystyryp ótti. Resmı basqosýdyń qonaqtary: Qazaqstan Respýblıkasynyń memlekettik standarttaýjúıesiniń sarapshy-aýdıtory, "EVROCERT" eýropalyq kompanııasynyń jetekshi aýdıtory Vladımır Solovev, "Sanaly urpaq" respýblıkalyq jobalyq keńsesiniń jetekshisi Qaıyrjan Tokýshev, "Agenstvo vnedrenııa ISO" JShS dırektory, bas keńesshi Bandýro Anatolıı, sarapshy-aýdıtor Ilımlar Zýbanov boldy.

"Sanaly urpaq" respýblıkalyq jobalyq keńsesiniń jetekshisi Qaıyrjan Tokýshev jastardyń boıynda parasattylyq pen izgilik qasıetterin damytý, qoǵamda sybaılas jemqorlyqqa qarsy mádenıetti qalyptastyrý baǵytynda elimizdiń jetekshi joǵary oqý oryndarymen birlesip jasalyp jatqan jumystar týraly qysqasha aqparat berdi.

Sóz kezeginalǵan jetekshi aýdıtor Vladımır Solovev ISO 370001: 2016 halyqaralyq standaryna sáıkes sybaılas jemqorlyqqa qarsy kúres sapa menedjmentin engizý boıynsha ýnıversıtetimizde jasalǵan aýqymdy jumystarǵa toqtalyp, sóz sońynda ýnıversıtet rektory Takır Balyqbaev myrzaǵa "EVROCERT" sertıfıkattaý jáne baqylaý kompanııasynyń sertıfıkatyn resmı tabystady. Bul sertıfıkatty ýnıversıtetimiz elimizde alǵashqy bolyp ıelendi.

Bas keńesshi Bandýro Anatolıı "Agenstvo vnedrenııa ISO" konsaltıngtik kompanııasynyń oqytý baǵdarlamasyna sáıkes sybaılas jemqorlyqqa qarsy kúres sapa menedjmenti júıesiniń ishki aýdıtory biliktiligi týraly sertıfıkatyn ýnıversıtet rektory Takır Balyqbaevqa, tárbıe jumysy jáne áleýmettik damý jónindegi prorektor Janatbek Ishpekbaevqa jáne "Parasat" ortalyǵynyń dırektory Qambar Ýsıpovke tabystady.

Shara sońynda ýnıversıtet rektory sybaılas jemqorlyqqa qarsy kúres jolynda eńbek etip, adaldyq pen parasattylyqty damytýǵa úles qosyp kele jatqan shara qonaqtaryna alǵys hatyn tabystady. Aldaǵy ýaqytta taza qoǵamdy qalyptastyrý baǵytynda yntymaqtastyqta jumys jasaıtyndyǵyna úlken senim bildirdi.

Aıta ketetin jaıt, ISO 37001-2016 jylǵy halyqaralyq standart talaptaryna sáıkes sybaılas jemqorlyqqa qarsy is-qımyl menedjmentiniń júıesin (SJQMJ) ázirleý jáne engizý barysynda ýnıversıtet qabyrǵasynda aýqymdy ister atqaryldy. Atap aıtqanda, qurylymdyq bólimshelerde sybaılas jemqorlyq táýekelderi saraptalyp, SJQMJ qujattarynyń sany men quramy jáne olardyń qoldanystaǵy júıege engizilýi anyqtaldy. Elimizdiń zańanamalyq normalaryn eskere otyryp, ISO 37001 qujattar prosedýrasy ázirlenip, ishki aýdıtorlar daıarlyqtan ótti.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz