Qala ákimdigi naýqastardy emdeýge arnalǵan tósek-oryndar sanyn arttyrý boıynsha júıeli jumystar júrgizýde. Ramada Plaza ǵımaratynda 500 tósek-oryn ornalasqan. Bólmeler qarqyndy terapııa palatalary men emshara kabınetteri úshin qaıta jabdyqtalǵan. Barlyq qajetti medısınalyq jabdyqtar bar. О́tken aptada 800-den astam oryn ázirlendi: №1 kópsalaly qalalyq aýrýhana tolyǵymen juqpaly aýrýlar stasıonaryna aýstyryldy, onda 600 oryn bar. Sondaı-aq Ulttyq ǵylymı medısınalyq ortalyqtyń, Qorǵanys mınıstrligi gospıtaliniń jáne UOS klınıkalyq gospıtaliniń bazasynda tósek-oryndar quryldy.
Jedel járdemge habarlasatyndar sany kúnine myńnan 4 myńǵa deıin artqandyqtan jedel járdem stansııasy bazasynda ahýaldyq ortalyqtyń jumysy iske qosyldy. Mamandar bir mekeme tolyp ketpeýi úshin KVI anyqtalǵan naýqastardy stasıonarǵa jiberedi. Sondaı-aq jedel járdem stansııasynyń telegram-boty (@ns103bot) jumys isteıdi, bot arqyly qala turǵyndary jedel járdem shaqyra alady. Jedel medısınalyq kómek brıgadalarynyń sany da artty.
Sonymen qatar telemedısınany paıdalaný tájirıbesi jalǵasýda. Koronavırýstyń sımptomsyz tasymaldaýshylaryn emdeý úshin, medısına qyzmetkerleri beıneqońyraý arqyly densaýlyqtaryn baqylap, ınfeksııanyń sımptomsyz tasymaldaýshylaryna barlyq máseleler boıynsha keńes beredi.
