Dárigerdiń aıtýynsha, naýqas qatty aýyryp jatqanda tynys alý jattyǵýyn jasaýǵa bolmaıdy jáne mindetti túrde dárigerge júgingen jón.
"Tynys alý gımnastıkasy qalpyna keltirý men medısınalyq ońaltý kezinde paıdaly, ol hattamada bar. Biraq, pasıenttiń jaǵdaıy aýyr bolsa, tynys alý gımnastıkasyn jasaýǵa bolmaıdy, mundaı jattyǵý adam densaýlyǵyn qıyndatyp jiberýi múmkin. Naýqas stasıonardan emdelip shyqqannan keıin, reabılıtologtyń usynysymen ǵana jattyǵý jasaýy qajet", - dedi Nurıla Maltabarova.
Sondaı-aq, mamandar ımmýnıtet kóteretin dárýmenderdi de baıyppen ishýge keńes beredi.
"Dárýmenderge baı durys tamaqtaný kerek, stresstiń aldyn alyp, sportpen shuǵyldanyńyz jáne barynsha pozıtıvti kóńil-kúıdi júrýge tyrysyńyz. Dárýmeni kóp tańqýraı, qaraqat syndy jemis-jıdekti tutynyńyz. Al D jáne C dárýmenin kózsiz kóp ishýge bolmaıdy. Máselen, bul dárýmender balaǵa salmaǵyna qaraı taǵaıyndalady”, - deıdi Astana medısına ýnıversıteti balalar ınfeksııalyq aýrýlary kafedrasynyń meńgerýshisi, dáriger-ınfeksıonıst Baıan Turdalına.
Dáriger-ınfeksıonıstiń pikirinshe, ıımmýnıtetti kóterý úshin, ásirese, kúndizgi jáne túngi uıqynyń durys bolǵany jón.
