Almaty qalasynyń ákimi Baqytjan Saǵyntaev apparattyq keńeste koronavırýs ınfeksııasynyń taralýyn boldyrmaý jónindegi Komıssııa múshelerine eki megapolıs merleri arasyndaǵy kelisim boıynsha keshe qalaǵa kelgen máskeýlik mamandar brıgadasynyń basshysyn Máskeý qalasy Densaýlyq saqtaý departamenti basshysynyń orynbasary Alekseı Tokarevti tanystyrdy.
Qazirgi kezde koronavırýs pandemııasyna qarsy birlesip kúresýdiń jobasy qolǵa alynýda. Bul jobany Almaty ákimdigi tarapynan ákimniń orynbasary Erjan Babaqumarov, al Máskeý Úkimeti jaǵynan Máskeý meriniń orynbasary Anastasııa Rakova úılestiredi.
Megapolıske kelgen ınfeksıonıster jáne epıdemıologtar, anestezıologtar, reanımatologtar, kardıologtar, pýlmanologtar, sonymen qatar,densaýlyq saqtaý salasyndaǵy sarapshylar keńes beredi jáne ádistemelik kómek kórsetedi. Almatyǵa quramynda barlyǵy 23 mamannan turatyn top keldi.
Reseıden kelgen mamandar delegasııasy emdeý toptaryna bólinedi. Iаǵnı, 3-4 toptar Almatynyń medısınalyq uıymdarynyń bazasynda aýyr naýqastardy baǵyttaý jáne emdeý jumystaryna qatysady. Al, qosymsha jasaqtalǵan 2-3 toptar COVID-19 indetine shaldyqqan ári sımptomsyzdan sımptomdy deńgeıge jetken naýqastarǵa medısınalyq kómek kórsetedi. Sonymen qatar, mamandardyń taǵy bir toby laboratorııalyq zertteýlerdi uıymdastyrý máselesimen aınalysatyn bolady.
Osylaısha, Almaty ákimi Baqytjan Saǵyntaev pen Máskeý meri Sergeı Sobıanınniń jeke kelisimderiniń arqasynda baýyrlas qalalar arasyndaǵy yntymaqtastyqtyń osynaý utymdy jobasy koronavırýs ınfeksııasynyń taralýyna qarsy kúreste qabyldanǵan sharalardyń pármendiligin arttyrýǵa yqpal etetin bolady.
