Mańǵystaý oblysynda tórt iri farmkompanııanyń qoımasy bar. Olar dárilik zattardy ortalyqtaǵy fırmalardan tapsyryspen alady. Sońǵy kezdegi dári jetispeýshiligine olardyń esh kinási joq. Sebebi, ortalyqtaǵy kompanııalardyń qoımasynda dári jetispeýshiligi baıqalǵan, dedi ol.
6-shilde kúni "EMITI Interneshnl" JShS Aqtaý qalasyndaǵy fılıalyna, "Medservıs Plıýs" JSSh fılıalyna jáne "Inkar-Aktaý" JShS, árqaısysyna kólemi 90 m/kýb bir fýra kólikterimen dárilik zattar keldi. Endi olardy qoıma qyzmetkerleri qabyldap (arnaıy baǵdarlamaǵa tirkep), ary qaraı dárihanalarǵa taratyp beredi. Bul prosess bir kúndik ýaqytty alady.
Azamattardyń dárilik zattarǵa qoljetimdiligin arttyrý maqsatynda kelgen dáriler erteń (07.07.2020 jyly) oblys dárihanalaryna bólinip beriledi.
"ADA Farm-Aktaý" JShS kelgen dárilik zattardy óz dárihanalar jelisine taratýda. Oblys aımaǵynda 22 dárihanasy jumys isteıdi.
10 shilde kúni "Medservıs Plıýs" JSSh fılıalyna taǵy bir fýra dárilik zattar keledi dep kútilýde. Aptanyń aıaǵyna deıin dárihanalar kerekti dári-dármektermen barynsha qamtamasyz etiledi, - dedi brıfıng spıkeri Rınat Kýbataev.
Mańǵystaý oblysy
