Atap aıtqanda, "Tengrı bank", "Azııa Kredıt" jáne "Kapıtal bank Qazaqstannyń" reıtıngteri aıtarlyqtaı nasharlap ketken.
Budan bólek, joǵaryda atalǵan qarjy ortalyqtary 4 aı jáne 1,5 jyl aralyǵynda prýdensııalyq normatıvterin oryndamaı keledi. "Tengrı banktiń" tabysy 23,6 paıyzǵa kemip, 103,6 mlrd teńgege deıin túsip ketken. "Kapıtal bank Qazaqstannyń" aktıvteri 22,2 paıyzǵa azaıyp, 69,1 mlrd teńgeni qurap otyr.
Al "Azııa banktiń" kórsetkishteri 38,5 paıyzǵa quldyrap, bar bolǵany 63,6 mlrd teńgege teńesti. Aıta ketý kerek, barlyq qarjy ınstıtýttary nesıeleý mólsherin de 1 jyl ishinde 22,2 paıyzǵa azaıtqan. 3 banktyń 5 aıdaǵy shyǵyny 7,5 mlrd teńgege deıin ulǵaıyp, salymshylardyń salymy da kún sanap kemip keledi deıdi mamandar.
Biraq, ózge bankterdegi jaǵdaı turaqty. Koronavırýstan kelgen daǵdarysqa qaramastan, barlyq ınstıtýttardaǵy depozıtter salymynyń mólsheri 15,2 paıyzǵa artyp, 19 trln teńgege jetti. Nesıeleý mólsheri 15 trln teńge shamasynda.
