Aımaqtar • 10 Shilde, 2020

Almatyda jańa týǵan nárestelerge PTR ádisimen testileý júrgiziledi

10 ret kórsetildi

Almaty qalasy Qoǵamdyq densaýlyq basqarmasy epıdemıologııalyq qadaǵalaý maqsatynda júkti áıelder men jańa týǵan nárestelerge PTR ádisimen testileý júrgiziletinin habarlady.

Júkti áıelder men bosanǵan áıelder shuǵyl kómek kerek bolǵan jaǵdaıda, olardyń PTR test bar-joǵyna qaramastan aýrýhanaǵa jatqyzylady.
Osy maqsatta qalanyń perzenthanalarynda naýqastar oqshaýlanǵan jaǵdaıda bolatyn ýaqytsha bólimsheler ashylǵan.
Medısınalyq kómek epıdemııaǵa qarsy rejımdi saqtaı otyryp, tolyq kólemde kórsetiledi.
COVID-19 ınfeksııasynyń taralýyn boldyrmaý maqsatynda perzenthana qyzmetkerleriniń ınfeksııalyq qaýipsizdigin saqtaý qamtamasyz etilgen.
Shuǵyl aýrýhanaǵa túsken jaǵdaıda PTR ádisimen testileý júrgiziledi, eger nátıjesi teris bolsa, pasıent jalpy bólimge aýystyrylady.

COVID-19 ınfeksııasyna oń nátıje kórsetken jaǵdaıda, naýqas juqpaly aýrýlar aýrýhanasyna nemese mamandandyrylǵan perzenthanaǵa aýystyrylady.
Eger jańa bosanǵan áıelde PTR ádisimen testileý nátıjesi oń bolsa, jańa týǵan náreste de tekserýden ótedi.
Osy ýaqyt aralyǵynda PTR ádisimen testileý nátıjesi shyqqanǵa deıin basqa balalarǵa juqpas úshin, náreste ýaqytsha oqshaýlanady. Eger nárestede nátıje oń bolsa, ol anasymen birge emdeledi. Eger teris bolǵan jaǵdaıda balany týystary alady.
Sondaı-aq, Qoǵamdyq densaýlyq basqarmasy turǵyndardy COVID-19 ınfeksııasyn juqtyrýdyń aldyn alý boıynsha mamandardyń keńesine qulaq túrýge shaqyrady.

Sońǵy jańalyqtar

Vıkıngterdiń izimen

Tarıh • Keshe

Uqsas jańalyqtar