Memleket basshysy Qasym-Jomart Toqaev respýblıkalyq telearnalar arqyly tikeleı efırde barsha qazaqstandyqtarǵa Úndeý jasap, kóptegen otbasynyń qara jamylyp, qaıǵy jutýyna baılanysty 13 shilde – Ulttyq aza tutý kúni bolyp belgilengenin málimdegen edi. Saltymyzda ólige qurmet – tirige mindet. Qaza bolǵan marqumdardyń ıgi isteri, ómirine arqaý bolǵan jaqsy tustary eske alynýy kerek. Kúreste aldyńǵy shepte júrip, sheıit bolǵan dárigerler rýhyna taǵzym etemiz. Qamkóńil kúıde otyrǵan aǵaıyn-týys, jora-joldasqa kóńil aıtamyz.
Jaqsylyqtyń erte-keshi joq degen, sondyqtan azaly kúnniń mańyzyn asyratyndaı indetti eńserýde aıanbaı baryn salǵan dárigerlerge, polısııa qyzmetkerlerine jáne ózge de atsalysyp júrgen eriktilerdiń eren eńbegin baǵalaýdy oılastyrǵanymyz abzal. Al elimizdiń densaýlyq saqtaý júıesi indetke toıtarys berýge daıyn bolmaǵany belgili, bolashaqta bul bizge sabaq bolýy tıis. Indetpen kúreste árqaısysymyzdyń jeke jaýapkerlishigimizge baılanysty bolyp tur, indetpen kúres jalǵasa beredi.
О́mirbek JUBANIIаZOV
"Qazaqstan Respýblıkasynyń Sýretshiler Odaǵy" qoǵamdyq birlestiginiń tóraǵasy
