"Áleýmettik jelilerde Túrkııadaǵy qazaq dıasporasy qarajatynan satyp alynǵan medısınalyq maqsattaǵy buıymdar men medısınalyq jabdyqtardyń eki aptadan astam ýaqyt ishinde Qazaqstanǵa jiberilmeı jatqandyǵy týraly aqparat shyndyqqa janaspaıdy. Sonymen qatar, Úkimet bul júkti Qazaqstanǵa jetkizýge kómek kórsetýdi ádeıi sozyp otyr degen aqparat negizsiz. Osyǵan oraı, Qazaqstan Respýblıkasynyń Syrtqy ister mınıstrligi Ankara men Ystanbul qalalarynan Túrkııa úkimetinen resmı gýmanıtarlyq kómekti, Túrik qazaqtary qaýymdastyǵy (KATEAD) men Qazaqstan azamattarynyń bastamashyl toby satyp alǵan júkti elimizge jetkizýdi pysyqtap jatqandyǵyn habarlaımyz", delingen mınıstrliktiń Telegram-daǵy paraqshasynda.
Bul júkterdi jetkizýdiń jalpy úılestirý jumystaryn Qazaqstannyń Túrkııadaǵy Elshiligi júzege asyrady. Sondaı-aq, osy yntymaqtastyq týraly aqparatty KATEAD saıtynda jarııalady.
"Júkterdi avıakompanııamen Ankara-Almaty baǵyty boıynsha jetkizý aǵymdaǵy jyldyń 14 shildesine josparlanǵan. Osy rette jalǵan nemese tekserilmegen aqparatty taratpaýdy suraımyz", delingen habarlamada.
