Elbasy • 14 Shilde, 2020

Elbasy Ahmetjan Esimovti qabyldady

205 ret kórsetildi

Kezdesý barysynda Elbasy aǵymdaǵy ekonomıkalyq daǵdarys Qordyń barlyq kompanııasynda kórinis tapqanyn atap ótti, dep habarlaıdy Egemen.kz

Sýret Elbasynyń Baspasóz qyzmetinen alyndy

A.Esimovtiń aqparatyna sáıkes, Qorǵa baǵynysty kompanııalar toby qyzmetkerlerdiń qysqarýyna jol bermedi. Barlyq kásiporyn jumysyn jalǵastyryp kele jatyr. Sonymen qatar "Samuryq-Qazyna "UÁQ" AQ Basqarma Tóraǵasy otandyq densaýlyq saqtaý júıesin qoldaý boıynsha júrgizilip jatqan jumystar týraly baıandady.

Qazaqstannyń Tuńǵysh Prezıdenti N.Nazarbaev "Samuryq-Qazyna" UÁQ" AQ-nyń koronavırýstyq ınfeksııamen kúresý úderisine qatysý sharalaryn keńeıtý qajettigin atap ótti.

– Qordy basqarý jónindegi keńestiń Tóraǵasy retinde "Samuryq-Qazyna" qorynyń ishki rezervinen iri megapolıster – Nur-Sultan jáne Almaty qalalarynda eki medısınalyq ortalyq salýǵa qarajat bólýdi tapsyramyn. Bul medısınalyq ortalyqtar ǵylymı-zertteý áleýetin shoǵyrlandyrýǵa arnalady. Ol elimizdiń keleshek urpaqtaryn yqtımal qaýipterden qorǵaýǵa múmkindik beredi. Úkimet pen ákimder bul bastamany qoldaıtynyna senimdimin, – dedi Elbasy Nursultan Nazarbaev.

Sóz sońynda Qazaqstannyń Tuńǵysh Prezıdenti koronavırýstyq ınfeksııadan qaza tapqandardyń otbasylaryna kóńil aıtty jáne qazaqstandyqtardy barlyq qajetti qaýipsizdik sharalaryn qatań saqtaýǵa shaqyrdy.

Sońǵy jańalyqtar

Qasıetti aıda qaıyrymdylyq jasady

Aımaqtar • Búgin, 09:20

Poıyz avtokólikti soqty

Oqıǵa • Keshe

ShQO-da mal urylary ustaldy

Aımaqtar • Keshe

«Shahter» komandasyna jańa bas bapker keldi

Aımaqtar • 16 Sáýir, 2021

Teatrda «Maýglıdiń» tusaýkeseri ótti

О́ner • 16 Sáýir, 2021

Uqsas jańalyqtar