Koronavırýs • 15 Shilde, 2020

AQSh COVID-19 vaksınasyn synap kórdi

66 ret kórsetildi

Moderna amerıkandyq bıotehnologııalyq kompanııasy koronavırýs vaksınasyn klınıkalyq synaýdyń birinshi kezeńin aıaqtady. Onyń nátıjesinde vaksınany synaýǵa qatysýshylarda antıdeneler paıda boldy, dep jazady Egemen.kz New England Journal of Medicine amerıkandyq medısınalyq jýrnalyna silteme jasap.

Medısına ǵylymdarynyń doktory Pıter Hıtonnyń málimetinshe, synaqqa 18-den 55 jasqa deıingi 45 deni saý adam qatysqan. Olardy 15 adamnan úsh topqa bóldi. Árbir topqa mRNA-1273 vaksınasyn 28 kún aralyǵymen 2 ret  25, 10 jáne 250 mıkrogramm dozada berip otyrǵan. Alǵashqy vaksınalaýdan keıin zertteýge qatysýshy úsh top múshelerinde alǵan vaksınanyń dozasyna proporsıonaldy antıdeneler paıda bolypty. Ekinshi vaksınasııadan keıin antıdene sany eselendi. Eń kóp antıdene eń az dozaly vaksınany qabyldaǵandarda anyqtaldy.

Sondaı-aq synaqtan ótken adamdardyń jartysynda vaksınasııalaýdan keıingi keri áserleri anyqtaldy. Sharshaý, qaltyraý, bas aýrýy, bulshyqettegi aýyrsyný jáne vaksına engizilgen jerde de aýyrsyný baıqalǵan. Mundaı keri áser ekinshi vaksına alǵannan keıin baıqalypty.

Osyǵan baılanysty, ǵalymdar aldaǵy synaqtarǵa kedergi keltiretin faktorlar anyqtalmaǵanyn jáne vaksınany ázirleý jalǵastyrylýy kerektigin aıtady.

Esterińizge sala keteıik, AQSh bıligi vaksına ázirleý úshin kompanııalarǵa 486 mln dollar bóldi. Amerıka Qurama Shtattarynda vaksına ázirleýmen Johnson & Johnson, Merck, Pfizer jáne AstraZeneca farmasevtıkalyq kompanııasy aınalysady.

Sońǵy jańalyqtar

Elimizde kıik sany kóbeıip keledi

Qazaqstan • Búgin, 14:41

ShQO-da elikti atqan brakoner sottaldy

Qoǵam • Búgin, 11:20

Shýchınskide bazar órtendi

Oqıǵa • Búgin, 09:27

Ań patshasy kóbeıdi

Ekologııa • Búgin, 07:42

Uqsas jańalyqtar