Oqıǵa • 15 Shilde, 2020

Kaspi.kz kompanııasy 100 jedel-járdem mashınasyn syıǵa tartady

72 ret kórsetildi

Otandyq óndirýshi "SaryarqaAvtoProm" emhanalardyń mobıldi brıgadalaryna arnalǵan sanıtarlyq avtokólikti Chevrolet Damas úlgisinde jáne Densaýlyq saqtaý mınıstrliginiń tehnıkalyq usynystaryna sáıkes ázirleıdi, dep habarlaıdy Egemen.kz

Osyǵan baılanysty Kaspi.kz basshysy Mıhaıl Lomtadze bylaısha túsindirme berdi: ⁣"Densaýlyq saqtaý júıesine qanshalyqty aýyr salmaq júktelgenin bárimiz kórip otyrmyz. Sondyqtan bizdiń komandamyz indetpen kúrestiń alǵy shebinde júrgen dárigerlerge kómek kórsetýdi basty mindet dep biledi. Biz dárigerlerdiń jáne Densaýlyq saqtaý mınıstrligi avtomobılderdiń jıyntyqtalýyna qoıatyn talaptaryn zerdeleı kele, Qazaqstanda tez arada qurastyryp, qysqa merzimniń ishinde búkil elimizdegi profıldik medısınalyq mekemelerge jetkizýge bolatyn jedel-járdem mashınasyna qoıylatyn tehnıkalyq talaptardy ázirledik. Arnaıy jıyntyqtalǵan alǵashqy avtomobılder dárigerlerge osy aptanyń ishinde beriledi", deıdi ol.

Al Kaspi.kz dırektorlar keńesiniń tóraǵasy Vıacheslav Kım:niń aıtýynsha, "SaryarqaAvtoProm” otandyq kólik óndirýshisimen birlesip, biz shetelde emes, Qazaqstannyń ózinde barlyq qajetti quralmen jyldam jabdyqtaýǵa bolatyn modeldi tańdaǵan. Mundaı avtomobılderdiń jalpy quny 1 mıllıard teńgeni quraıdy. Qazir bir jeńnen qol, bir jaǵadan bas shyǵaryp, bıznestiń memleketpen birge indetti jeńýge baılanysty mindetterdi sheshýge belsene at salysatyn kez ekenin naqtylap ótti.

"Oryn alǵan jaǵdaıdy eskere otyryp, biz naýqas adamdardy tasymaldaýǵa qajetti barlyq medısınalyq, sanıtarlyq jáne bakterısıdtik jabdyqpen, onyń ishinde portatıvti ókpeni jasandy jeldetý apparatymen, EKG-apparatpen, pýlsoksımetrmen jáne defıbrıllıatormen jabdyqtalǵan mashınalardy qysqa merzimde daıyndaımyz", deıdi "SaryarqaAvtoProm" dırektory Syrym Semeıbaev. ⁣

Qazaqstannyń Densaýlyq saqtaý mınıstrliginiń derekterine sáıkes, elimizde kún saıyn shamamen 1400 brıgada jedel medısınalyq kómekpen qamtamasyz etedi, olar 26 000 shaqyrtý qabyldaıdy. Mınıstrlik ókilderiniń aıtýynsha, bul jedel járdem qyzmetine jáne qazirgi ınfraqurylymǵa aıtarlyqtaı salmaq túsiredi.

Sońǵy jańalyqtar

Ekibastuz qalasynyń ákimi taǵaıyndaldy

Taǵaıyndaý • Búgin, 16:42

Mal dárigerleriniń jalaqysy ósedi

Qazaqstan • Búgin, 16:27

Dollar qymbattady

Ekonomıka • Búgin, 16:15

Elordada Astana Open týrnıri ótedi

Tennıs • Búgin, 14:01

Kúzde aýa raıy qandaı bolady

Aýa raıy • Búgin, 13:33

Ulttyq qorǵa 3,4 trln teńge tústi

Qarjy • Búgin, 12:54

Uqsas jańalyqtar