Onlaın basqosýda QFF Bas hatshysy Mádenıet jáne sport mınıstrligimen birge chempıonatty bir jerde ótkizý jobasyn talqylady. Bul arqyly ınfeksııanyń taralýyn qysqartýǵa bolady. Qala arasynda qatynas bolmaıdy. Ár klýb tańdalǵan aımaqta qonaqúıge ornalasyp, ishki karantın sharalaryna tolyqtaı jaýap beredi. Bul joba OLIMPBET-fýtboldan Qazaqstan chempıonaty men fýtzaldan Qazaqstan chempıonatynyń oıyndaryna qatysty bolmaq.
Taraptar eldegi epıdemııalyq ahýalǵa baılanysty balalar men jastar arasyndaǵy fýtbol jarystaryn qaıta jalǵastyrý múmkin emes degen pikirge toqtaldy. Olardyń arasynda Ekinshi lıga básekesi bar. О́ıtkeni bul týrnırge kámelettik jasqa tolmaǵan oıynshylar qatysady.
Vıdeokonferensııa qorytyndysy boıynsha Chempıondar lıgasy men Eýropa lıgasy halyqaralyq jarystaryna elimizdiń tórt klýby qatysatyny aıtylyp, sonymen qatar Ulttar lıgasyndaǵy Qazaqstan ulttyq quramasynyń aldaǵy oıyndaryna qatysty Densaýlyq saqtaý mınıstrligi men koronavırýs ınfeksııasynyń taralýyna qarsy kúres jóninde memlekettik komıssııaǵa ótinish jasady. Basty talap fýtbol matchtaryn karantın rejiminde sport nysanyna kiretin qyzmetkerlerdiń sanyn azaıtyp, ashyq aspan astynda ótkizý bolyp otyr.
