Kórinbeıtin «soǵystyń» qaharmandary

Elimizde jaqynda atalyp ótken medısına qyzmetkerleriniń kásibı merekesine oraı Batys Qazaqstan oblystyq juqpaly aýrýlar aýrýhanasynyń bólim meńgerýshisi Bıbigúl Aıtbaeva – «Parasat» ordenimen, oblystyq kópbeıindi aýrýhananyń dárigeri Marat Balshambaev – «Qurmet» ordenimen, oblystyq juqpaly aýrýlar aýrýhanasynyń reanı­ma­to­log-dárigeri Salaýat Aǵdaýov, ob­lys­tyq kardıologııalyq orta­­lyq­tyń dárigeri Danııar Áre­nov, oblystyq juqpaly aýrý­lar aýrýhanasynyń aǵa med­bıke­si Álııa Maýjanova – «Eren eńbegi úshin» medalimen, oblys­tyq kópbeıindi aýrýhana med­bıkesi Ásıma Gasına – «Shapa­ǵat» medalimen, oblystyq kar­dı­ol­ogııalyq ortalyq medbıkesi Venera Myrzaǵalıeva – Qazaqstan Respýblıkasynyń Qurmet gramotasymen marapattalǵan bolatyn. Olardyń bári de – osy koronavırýspen kúreste tikeleı ottyń ortasynda júrgen mamandar.

– Qazir búkil álemde qaterli indetke qarsy kózge kórinbeıtin alapat soǵys júrip jatyr. Bul maıdannyń alǵy shebinde dári­gerler júrgeni zańdylyq. Sońǵy kezde qaıtys bolǵan árip­tes­te­rimniń bárin de jeke tanýshy edim. Olar óz isiniń bilikti mamany bolatyn, ómiriniń sońy­na deıin antyna adal bolyp, ózge naýqastardy qutqarý úshin óz basyn qaýipke tikti. О́te ókinish­ti, árıne. Olardyń jarqyn beıne­si bizdiń júregimizde máńgi saq­talady, – deıdi oblystyq den­saý­lyq saqtaý basqarmasynyń bas­shysy Bolatbek Qaıýpov.

Koronavırýspen aýyrǵan batysqazaqstandyq medısına qyz­metkerleriniń bári de vırýsty naýqastan juqtyrǵany anyq­tal­ǵan. Iаǵnı olardyń bári de kásibı qyzmetinde júrip qaterli vırýs­pen betpe-bet kelgen.

Mysaly, Batys Qazaqstan oblystyq perınataldyq orta­lyq dırektory Nıkolaı Dmıt­rıen­ko ózine tónip turǵan qaýipke qara­mas­tan shalǵaıdan kelgen júkti áıelge medısınalyq járdem kórsetken. Ol áıeldiń koronavırýs juqtyryp kelgendigi belgili edi. Sábı men ananyń tiri qalýy úshin baryn salǵan Nıkolaı Borısuly birneshe kúnnen keıin pnev­monııadan asqynǵan tramboz sal­darynan qaıtys boldy.

Al Iýrıı Esenǵalıuly Sarı­mov Báıterek aýdandyq №2 aýrý­ha­­­nasynda hırýrg bolyp isteıtin. Aýǵan soǵysynda áskerı boryshyn ótegen jaýyngerdiń keıingi ómiri densaýlyq saqtaý salasynda ótken. Ol da dárigerlik qyzmetine oraı indet juqtyrǵan pasıentpen qarym-qatynas jasaýǵa máj­búr bolǵan. Báıterek aýdany Reseı Federasııasymen shekarada tur­ǵanyn, alǵashqy kezde indet juq­ty­rýshylardyń 90 paıyzy osy shekaradan kelgenin eskersek, báı­t­erektik dárigerlerdiń vırýs juq­tyrý yqtımaldylyǵy óte jo­ǵa­ry dedi.

Oblystyq densaýlyq saq­taý bas­qarmasynyń basshysy Bolatbek Amangeldiulynyń aı­týyn­­sha, Oral qalalyq №1 em­ha­nanyń rentgen-laboranty Venera Ihsanqyzy Quthojına men Oral qalalyq №6 emhananyń pe­dıatr-dárigeri Batıma Jol­mu­hambetqyzy Bısenǵalıeva da kási­bı mindetin atqarý ústinde qaza tapqan asyl jandar.

Ras, qaza tapqan batys­qazaq­standyq dárigerler resmı sta­tıs­tıka boıynsha sovid-19 inde­ti­men kúresý jolynda eńbek etip júrip qaıtys bolǵan medı­sı­na qyzmetkerleriniń tizimine kir­meıdi eken. О́ıtkeni olar tike­leı provızorlyq nemese ınfeksııalyq stasıonarda qyz­met etken joq. Degenmen olar­dyń kásibı qyzmeti barysynda covid-19 vırýsyn juqtyrǵan naý­qas­tarmen betpe-bet kelip, qarym-qatynasta bolǵany shyndyq. Dáriger retinde, maman retinde olar óz áreketiniń qandaı qaýipti ekenin anyq bildi, sonda da táýekel etip, óz mindetine, antyna aqyryna deıin adaldyq tanytty. Mine, sondyqtan da olardy áriptesteri de, qarapaıym halyq ta batyr sanaıdy.

Batys Qazaqstan oblysy