Aımaqtar • 17 Shilde, 2020

Almaty áýejaıyna dári-dármekterdiń kezekti partııasy keldi

12 ret kórsetildi

Este bolsa, megapolıske 16 shilde kúni Úndistannan jalpy salmaǵy 10 tonna bolatyn medıkamentter tıegen ushaq kelip qonǵan bolatyn. Al búgin, ıaǵnı 17 shilde kúni, túnde Reseı Federasııasynan qajetti dári-dármekter tıegen taǵy bir ushaq kelip jetti, - dep habarlaıdy Egemen.kz.

Almaty ákimdiginiń qalany dári-dármektermen qamtamasyz etý jónindegi úılestirýshisi Zańǵar Sálimbaevtyń habarlaýynsha, Reseıden jetkizilgen dári-dármekter arasynda balalar men úlkenderge arnalǵan parasetamol, amoksıklav, meropenen jáne basqa da óte qajet dári-dármekter bar eken. Jalpy, 1 135 000 birliktegi dári-dármekter jetkizildi.

Úndistan men Reseıden jetkizilgen júk qalanyń dárihana jelisin dári-dármektermen qamtamasyz etetin dıstrıbıýtorlyq kompanııalarǵa tıesili.

Qala ákiminiń tapsyrmasy boıynsha preparattardy dereý rásimdeý jáne sertıfıkattaý boıynsha barlyq jaǵdaılar jasalǵan. Dárilerdiń esh kedergisiz jetkizilýi qatań baqylaýǵa alynǵan. Budan ózge, Almatyda dári-dármekterdi jetkizýshilerge paıyzsyz nesıe bólý boıynsha 5 mıllıard teńge bólinip, turaqtandyrý qory qurylǵany belgili.

"29 maýsymda iri farmkompanııalarmen, dárihanalar jelisimen memorandýmǵa qol qoıylǵan bolatyn. Osy qujat negizinde qajet dári-dármekter der kezine jetkizilýde. Halyqqa kerek preparattar tizbesi keńeıýde. Bizdiń aldaǵy josparymyz – qalanyń barlyq dárihanalaryn dári- dármektermen qamtamasyz etý", – dedi Z. Sálimbaev.

O

"Farmasevtıkalyq kompanııalar qyzmetkerleri kúrdeli kezeńde táýlik boıyna jumys jasaýda. Aıta keterligi, Almaty ákimdigi jetkizýshilerge jan-jaqty kómek kórsetýde. Túrli ákimshilik kedergiler der kezinde joıylyp, kólikpen qamtamasyz etý jáne basqa da sharalar shuǵyl iske asýda. Megapolıs basshylyǵy farmkompanııalar, medıkamentter óndirýshiler ókilderimen únemi baılanysta", - dep atap ótti Z. Sálimbaev.

Jaqyn kúnderi qalaǵa úlken suranysqa ıe dári-dármekter tıegen kezekti reıster keletin bolady. Aıdyń sońyna deıin shamamen 6,5 mln qaptamadaǵy qajetti preparattar jetkiziledi dep kútilýde.

Z. Sálimbaev Reseıden kelgen júktiń gýmanıtarlyq emes ekenin aıtty. Mundaǵy dári-dármekter qala dárihanalaryna bólinip beriledi.

"Internette gýmanıtarlyq preparattardyń satylǵany týraly jalǵan aqparattar taraýda. Bul shyndyqqa janaspaıdy. О́ıtkeni, gýmanıtarlyq kómek eshqashan jeke dárihanalarǵa berilmeıdi, ol tek memlekettik aýrýhanalarǵa ǵana bólinedi", - dep atap ótti ol.

O

Eske salsaq, buryndary Almatyǵa Reseıden 55 tonnalyq dári-dármekter eki reıspen jetkizilgen edi. Bul shamamen 3 mln qaptama, munda áleýmettik mańyzy bar 10-nan astam dári-dármek túrleri bar, onyń ishinde qyzýdy túsiretin jáne COVID-19-ǵa qarsy preparattar. Iаǵnı, tizimde azıtromısın, seftazıdım, ıbýprofen, fraksıparın, metronıdazol, seftrıakson, geparın, nımesýlıd, levofloksasın, meropenem poroshogy, enoksaparın-bınergııa jáne basqa preparattar boldy.

 

Sońǵy jańalyqtar

Dollar baǵamy arzandady

Ekonomıka • Búgin, 12:30

Petropavlda esirtki zerthanasy anyqtaldy

Aımaqtar • Búgin, 09:20

Qyran qanatynda qalyqtaǵan jyr

Rýhanııat • Búgin, 08:43

Sóz soıyl №105

Rýhanııat • Búgin, 08:39

Qaıyrymdy ister marafony jalǵasýda

Rýhanııat • Búgin, 08:33

Investısııa tartýǵa kúsh salýda

Aımaqtar • Búgin, 08:12

Talapty qyz Tálipova

Sport • Búgin, 08:10

Tarıhta turlaý bolǵan ba?

Tarıh • Búgin, 08:08

Serbııada saıysqa túsedi

Boks • Búgin, 08:06

Shúkirshilik

Rýhanııat • Búgin, 08:02

Bastamalardy qoldaý alańy

Saıasat • Búgin, 08:00

Alash topyraǵyndaǵy altyn tarıh

Eń qysqa áńgime • Búgin, 08:00

«Haılaıt» synynda bet qaratpady

Oqıǵa • Búgin, 07:59

Ahýal alańdatyp tur

Aımaqtar • Búgin, 07:52

Sábı saýdasy qashan toqtaıdy?

Qoǵam • Búgin, 07:51

Aqtóbede «jol jyry» qaıta bastaldy

Qoǵam • Búgin, 07:48

Aq jeleńdi abzal jandar

Qoǵam • Búgin, 07:47

Jarqaıyńnyń jomart jandary

Aımaqtar • Búgin, 07:40

Jappaı vaksınalaý algorıtmi jasaldy

Medısına • Búgin, 07:35

Úndistandaǵy ahýal nashar

Álem • Búgin, 07:32

Jol – memlekettiń kúretamyry

Aımaqtar • Búgin, 07:24

Til men tarıh – halyqtyń qos qanaty

Oqıǵa • Búgin, 07:17

Uqsas jańalyqtar