Olımpııa oıyndarynda eń kóp júlde osy jeńil atletıka básekesine tıesili ekenin jankúıer jurt jaqsy biledi. Máselen, 2016 jylǵy Rıo Olımpıadasynda 47 júlde jıyntyǵy sarapqa salynǵan bolatyn. Jańa kestege sáıkes, Tokıo Olımpıadasynda jeńil atletıka dodasy 2021 jyldyń 30 shildesinde bastalyp, 8 tamyzda erler marafonymen aıaqtalady. Sondaı-aq Olımpıada tarıhynda tuńǵysh ret áıelder men erler arasyndaǵy marafon jeńimpazdaryn marapattaý sáti jabylý saltanatynda uıymdastyrylmaq.
Bir aıta keterligi, Olımpııa oıyndarynda jeńil atletıkadan medal jıyntyǵy kóp taratylatyn kún senbige, ıaǵnı 7 tamyzǵa týra kelip tur. Sol kúni erler arasynda dısk laqtyrýdan úsh fınaldyq syn, áıelder arasyndaǵy 100 metrge jáne 400 metrge estafetalyq jarys josparlanǵan.
