Ońtústik Qazaqstan • 21 Shilde, 2020

Maqtaaralda qurylys jumystary táýlik boıy júrgizilýde

16 ret kórsetildi

Maqtaaral aýdanynda jańadan irgetasy qalanǵan shaǵynaýdanda qurylys jumystary toqtaýsyz júrýde. Qurylys alańynda 31 merdiger mekeme, jalpy 386 turǵyn úıdiń qurylysyna 1427 adam jumyldyrylǵan, dep habarlaıdy Egemen.kz

Shaǵynaýdan aýyzsý, jaryq pen gazben qamtamasyz etilip, baılanys jelisimen jabdyqtalady. Abattandyrý jumystary aıasynda saıabaq pen 2 sport alańshasy,  1200 oryndyq mektep pen 280 oryndyq bala-baqsha salynýda. Sondaı-aq dárigerlik ambýlatorııanyń qurylysy júrip jatyr.

Aýdanǵa jumys saparymen barǵan oblys ákimi О́mirzaq Shókeev tótenshe jaǵdaıdyń saldaryn joıý jumystaryn baqylap, sý basqan О́rgebas jáne Fırdoýsı aýyldarynyń turǵyndarymen kezdesti. Salynyp jatqan áleýmettik nysandardy aralady. О́rgebas aýylynda ornalasqan Q.Amanjolov atyndaǵy №22 jalpy orta mektebiniń qurylysyn tekserdi. Oblystyq bıýdjet esebinen byltyr qurylysy bastalǵan 200 oryndyq jańa mektep bıyl paıdalanýǵa berilmek. Sondaı - aq munda feldsherlik-akýsherlik pýnkt qurylysy bastalǵan.

"Qysqa merzimde aýqymdy jumystar atqaryldy. Halyqty tirshilikpen qamtamasyz etetin nysandar men ınfraqurylymdar qalpyna keltirilýde. Turǵyndardy erterek baspalaryna jaıǵastyrý úshin qurylys jumystary kúsheıtildi. Jaýapty aýdan ákimderi, basshylary osynda. Qurylysty ýaqytynda aıaqtaý úshin kún-tún demeı eńbek etýde", dedi О́mirzaq Shókeev turǵyndarmen kezdesýde.

О́rgebas eldi mekeninde 209 úı ornalasqan. Onda sý basqan úıler buzylyp, aýmaǵy tazartylyp, úılerdiń irgetasy quıylǵan, 70 úıdiń qabyrǵasy qalanyp, shatyrlary jabylýda. Qurylys jumysyna 613 adam tartylǵan. Fırdoýsı aýylyn qalpyna keltirý jumystary da qarqyndy júrip jatyr. Búgingi tańda ondaǵy 96 úıdiń qabyrǵasy qalanyp, shatyrlary jabylýda. Jalpy qurylys jumystaryna 1002 adam tartylǵan. Sonymen birge, aýyldaǵy aýyzsý júıelerin qaıta qurý jumystary aıasynda 33 shaqyrym qubyr júrgizilip, uńǵymalar burǵylanǵan. Abonenttik jáshikter ornatylyp, jańa sý munarasyn ornatý jumystary bastalǵan.

Sońǵy jańalyqtar

Almaty mańynda jer silkindi

Aımaqtar • Keshe

Sý aıaǵy qurdymǵa kete me?

Aımaqtar • Keshe

Kók túrkiniń kózi

Tarıh • Keshe

Tólge toly Taıketken

Ekologııa • Keshe

15 mamyr – Halyqaralyq otbasy kúni

Qoǵam • 15 Mamyr, 2021

Semeıde eki jeńil kólik soqtyǵysyp qaldy

Aımaqtar • 15 Mamyr, 2021

Uqsas jańalyqtar