Medısına • 21 Shilde, 2020

Elorda turǵyny ákesiniń aman qalǵany úshin dárigerlerge alǵysyn aıtty

66 ret kórsetildi

Elorda turǵyny medısına qyzmetkerlerine ákesiniń ómirin saqtap qalǵany úshin alǵys bildirdi. Bul týraly Nur-Sultan ákimdiginiń resmı saıtyna silteme jasaı otyryp Egemen.kz habarlaıdy.

Galııa Abraımova Facebook paraqshasynda dárigerlerdiń ákesiniń densaýlyǵy úshin qalaı kúreskenin aıtyp berdi.

"Sizder kún saıyn adam janyna arasha bolasyzdar! Meniń ákem aýrýǵa shaldyǵyp, hattamaǵa sáıkes úıde 11 kún emdelse de, jaǵdaıy jaqsarmady. Stasıonarlyq emdeý týraly teris pikirlerdi oqyǵannan keıin aýrýhanaǵa barýdan qoryqtyq. Biraq is júzinde bizdiń dárigerlerdiń keremet ekenine kózimiz jetti. Taldaýdyń barlyq nátıjesin zerdelep, bizden aýrýhanaǵa jatqyzýdy talap etip, ýaqtyly medısınalyq kómek kórsetti", dep jazdy G.Abraımova.

Ákesi Orazǵalı Abraıymovtyń aıtýynsha, emdeýshi dáriger men bólim meńgerýshisi kún saıyn tekserip, onyń densaýlyǵynyń jaı-kúıin qadaǵalap, em-dom taǵaıyndady, sonymen qatar naýqas úshin óte mańyzdy psıhologııalyq kómek kórsetti.

"Men óz atymnan jáne ákem Abraımov Orazǵalı Chakerbekuly atynan №3 kópsalaly qalalyq balalar aýrýhanasynyń ShJQ MKK ujymyna: bólim meńgerýshisi Nýrtazına Gýlmıra Gýsmaýlenovnaǵa, emdeýshi dáriger Quttybek Gaýhar Dúısenqyzyna, sonymen qatar kishi medısınalyq qyzmetkerler Musahmetova Nurbaný, Ahmetova Gýlaıra, Baıkenova Merýertke qajyrly eńbegi úshin rızashylyǵymdy bildirgim keledi! Qazir ár naýqastyń ómiri úshin naqty kúres júrip jatyr dep oılaımyn. Sizderge jáne jaqyndaryńyzǵa myqty densaýlyq tileımin! Ákem bilikti dárigerlerdiń arqasynda aman qaldy! Úlken rahmet aıtap otyryp, eńbekterińizge taǵzym etemin!" dep atap ótti Abraımova.

Sońǵy jańalyqtar

Kabýlda jarylys boldy

Oqıǵa • Búgin, 17:08

Otandyq fılmderdiń úlesi artady

Qazaqstan • Búgin, 16:20

Almatyda baqylaý kúsheıtildi

Koronavırýs • Búgin, 14:08

Aqsha emes, abyroı qymbat

Boks • Búgin, 13:04

Kúrshim ózeni de lastana bastady

Ekologııa • Búgin, 12:38

Tiliksiz ota jasaldy

Medısına • Búgin, 12:20

Uqsas jańalyqtar