Spıker jyl basynan beri oblystyń orman qory aýmaǵynda 80 orman órti bolǵanyn atap ótti.
"Elimizdegi Orman sharýashylyǵy jáne janýarlar dúnıesi komıtetiniń qaramaǵyndaǵy Orman sharýashylyǵy mekemeleriniń aýmaǵynda 32 órt bolsa, al Oblystyq jer qoınaýyn paıdalaný, qorshaǵan orta jáne sý resýrstary basqarmasynyń qaramaǵyndaǵy orman sharýashylyqtarynda 48 órt oqıǵasy oryn alǵan", dedi ol.
Sondaı-aq, oblysta qurǵaq shóptiń janýy kóp janǵan oqıǵasy baıqalady. Eger ótken jyly qurǵaq shóptiń janý oqıǵalarynyń sany 172 jaǵdaı bolsa, bıylǵy jyly qurǵaq shóptiń 219 janý oqıǵasy oryn alǵan.
Orman jáne dala órtteriniń aldyn alý maqsatynda TJ departamentiniń qurylymdyq jáne aýmaqtyq bólimsheleri, jergilikti polısııa qyzmeti, tabıǵatty qorǵaý jáne orman mekemeleri men jergilikti ákimdikter qyzmetkerlerinen 21 mobıldi top quryldy.
Osy ýaqytqa deıin mobıldi toptar 240 reıd júrgizip, órt qaýipsizdigi talaptaryn buzǵan 59 kináli adamdardy anyqtady.
Onyń ishinde "Ákimshilik quqyq buzýshylyqtar týraly" Kodeksiniń 440-baby boıynsha 51, 336-baby boıynsha 5-eýi jáne 367-baby boıynsha 3-eýi jaýapkershilikke tartyldy.
Aýdandyq jáne qalalyq ákimdikter aýyldardy, orman alqaptaryn jáne qoqys tastaıtyn jerlerdi ottan qorǵaý úshin mıneraldy jolaqtar qurý jumystaryn júrgizýde. Qazirgi ýaqytta 2679 shaqyrym mıneraldanǵan jolaqtar quryldy.
Sonymen qatar jergilikti ákimdikter aýlydyq aýmaqtardy qurǵaq shópten jáne qoqystan tazartý jumystaryn júrgizdi.
Pavlodar oblysy
