Solardyń ishinde kórpe qaptar, jınalmaly metall kereýetter, matrastar, jastyq tystary, jastyqtar, aqjaımalar, kórpeler, jyly kúrtesheler, jyly shalbarlar jáne toqyma bas kıimder jiberiledi. Al azyq-túlik taýarlarynan joǵary surypty un, qaraqumyq jarmasy, ósimdik maıy jáne sút konservileri beriledi.
Mınıstrler kabınetiniń basshysy kórshi elderge gýmanıtarlyq kómek kórsetý úshin birqatar tapsyrma júktedi:
"Qazaqstan Respýblıkasynyń Syrtqy ister mınıstrligi resmı izgilik kómekti alýshylardy aıqyndasyn jáne ony kórsetý jónindegi sharalardy úılestirýdi qamtamasyz etsin.
Qazaqstan Respýblıkasynyń Indýstrııa jáne ınfraqurylymdyq damý mınıstrligi izgilik júkti Aýǵanstan Islam Respýblıkasy men О́zbekstan Respýblıkasyndaǵy mejeli pýnktterge deıin tasymaldaý men jetkizýdi qamtamasyz etsin.
Qazaqstan Respýblıkasynyń Ulttyq ekonomıka, Syrtqy ister, Qarjy, Indýstrııa jáne ınfraqurylymdyq damý mınıstrlikteri osy qaýlydan týyndaıtyn sharalardy qabyldasyn", delingen qujatta.
