Aımaqtar • 23 Shilde, 2020

COVID-19 juqtyrǵan naýqastar qandaı̆ jaǵdaı̆da aýrýhanaǵa jatqyzylady?

57 ret kórsetildi

Búgin Nur-Sultan ákimdiginde ótken brıfıngte "Astana" medısına ýnıversıtetiniń juqpaly aýrýlar kafedrasynyń assıstenti, ınfeksıonıst dáriger Gaýhar Nurahmetova koronavırýs ınfeksııasymen aýyratyn naýqastardy stasıonarǵa ornalastyrý sharttary týraly aı̆typ berdi, dep habarlaı̆dy elorda ákimdiginiń resmı saı̆ty.

"Elimizde koronavırýs juqpasynyń órshýine baı̆lanysty azamattarymyzdyń arasynda ártúrli saýaldar týyndaýda. Sol suraqtardyń ishindegi eń mańyzdysy – koronavırýsqa shaldyqqandar qandaı̆ jaǵdaı̆da aýrýhanalyq em qabyldaı̆ alady? Iаǵnı, aýrýhanalyq emge naýqastardy suryptaýdy emhana deńgeı̆indegi jalpy tájirıbelik dárigerler júrgizedi. Sonymen qatar jedel járdemdi úı̆ge shaqyrý kezinde jedel járdem qyzmetkerleri nemese koronavırýsqa arnalǵan oqshaýlanǵan aýrýhananyń qabyldaý-dıagnostıkalyq bólimindegi kezekshi dárigerler anyqtaıdy. Bul medısına qyzmetkerleri naýqastardy aýrýhanaǵa jatqyzý barysynda QR hattamasyn basshylyqqa alady. Ol hattama boı̆ynsha koronavırýs juqpasy aǵymynyń aýyrlyq dárejeleri anyqtalǵan", – deı̆di Gaýhar Nurahmetova.

Sonymen qatar dáriger KVI ınfeksııasymen aýyratyn naýqastar josparly túrde emdeýge jatqyzylmaı̆tynyn, ıaǵnı stasıonarlyq emdeýge tek aýrýdyń aı̆qyn belgileri bolǵan jaǵdaı̆da jatqyzylatynyn atap ótti.

"Bizdegi KVI-ge arnalǵan aýrýhanalar zamanaýı úlgide jabdyqtalǵan. Ár palata ottegi kózderimen, apparattarmen, QR hattamasyna saı̆ barlyq dári-dármektermen tolyq jabdyqtalǵan" – dedi G.Nurahmetova.

Infeksıonıst dáriger koronavırýs ınfeksııasyn juqtyrý qaýpi bar naýqastarǵa da toqtala ketti.

"Eń aldymen, naýqastyń jasy 65-ten joǵary bolsa, ol qaýip-qater tobyna jatady. Ekinshi orynda – júrek aýrýlary. Adamda qan qysymy bolsa, onyń qan qysymyn 3 saǵat saı̆yn ólsheý, kóterilýine jol bermeýge tyrysý kerek. Sonymen qatar qant dıabeti bar adamdarda qant kólemi kóterilip ketse, emge kónbeýi múmkin. Iаǵnı, vırýs juqtyrǵan kezde sozylmaly aýrýlardyń barlyǵy qozyp, naýqas jaǵdaıyn odan saı̆yn aýyrlatady. Sondyqtan mundaı̆ aýrýlardy qatań qadaǵalaý hattamada kórsetilgen", – dep túı̆indedi dáriger.

 

Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar