BAQ-ta habarlanǵandaı, Qazaqstanǵa búgingi kúni qatty jetispeýshiligi sezilip jatqan medısınalyq buıymdar túrinde gýmanıtarlyq kómek jetkizildi. Medısınalyq maqsattaǵy ónimder, atap aıtqanda ókpeni jasandy jeldetý apparattary (О́JJ), pýlsoksımetrler, synapty jáne symsyz kontaktilik termometrler medısınalyq ortalyqtarǵa, emhanalarǵa, aýrýhanalar men gospıtaldarǵa kelip túsý úshin QR SIM tehnıkalyq retteý jáne metrologııa komıtetiniń tóraǵasy Arman Shakqalıev qajetti Buıryqqa qol qoıdy.
Endi rásim aıtarlyqtaı jeńildetildi, atap aıtqanda gýmanıtarlyq kómek retinde ákelingen ólshem quraldaryn QR Memlekettik ólshem quraldarynyń tiziliminde tirkeýden ótpeýge ruqsat etiledi. Bul shara pandemııa jaǵdaıynda ýaqytsha bolyp tabylady, biraq ólshem quraldaryn sońǵy paıdalanýshylarǵa (medısınalyq ortalyqtar, aýrýhanalar jáne t.b.) "О́lshem quraldarynyń birligin qamtamasyz etý týraly" QR Zańynyń 19-babyna sáıkes ólshem quraldaryn bastapqy jáne merzimdik salystyryp tekserý júrgizýdi qamtamasyz etý uıǵarylǵan.
Oblystar boıynsha salystyryp tekserý zerthanalary akkredıtteý baǵytyna sáıkes gýmanıtarlyq kómek retinde ákelingen, QR MО́J tiziliminde tirkeýden ótpegen ólshem quraldaryn salystyryp tekserýge qabyldaýy qajet.
Atalǵan jedel sharalar medısınalyq buıymdardy aınalymǵa shyǵarý úshin gýmanıtarlyq kómekti kedergisiz qabyldaý úshin qabyldanǵanyn atap ótý qajet.
Búkil álemdi qamtyǵan COVID-19 pandemııasy adamzat úshin mańyzdy synaq bolyp tabylady jáne mundaı standartty emes sharalardy qabyldaý baqytsyz jaǵdaıǵa tap bolǵan adamdardyń ómirin qutqarý úshin medısınalyq maqsattaǵy gýmanıtarlyq júkterdiń qol jetimdiligin qamtamasyz etý úshin túzetýler engizý qajettiligi bolyp tabylady.
"Memlekettik tirkeýden ótpegen dárilik zattardy, medısınalyq buıymdardy gýmanıtarlyq kómek retinde Qazaqstan Respýblıkasynyń aýmaǵyna ákelý jaǵdaılaryn aıqyndaý týraly" Qazaqstan Respýblıkasy Úkimetiniń 2009 jylǵy 30 jeltoqsandaǵy № 2298 Qaýlysy osy sheshim úshin negiz bolyp tabylady.
