"23 shilde kúni keshki saǵat 9-da Sátbaev qalasynyń ishki ister basqarmasyna 5 jasar qyzdyń joǵalǵany týraly aryz tústi. Dereý izdestirý nátıjesinde búldirshin qaladaǵy bir úıden tabyldy. Jas qyzdy zorlady degen kúdikpen bir azamat qamaýǵa alyndy. Biraq birneshe adam kúdiktini óz qoldaryna berýdi talap etti, janjal shyǵardy. Buzaqylyq jasap, polıseılerge qarsylyq tanytty.Tártipsizdikke jol bermeý úshin qosymsha polısııa kúshteri tartylyp, jaǵdaı baqylaýǵa alyndy", dedi mınıstr.
Mınıstr bul oqıǵa boıynsha birneshe bappen qylmystyq is tirkelgenin atap ótti.
"Tergeý amaldary jalǵasýda. Eldegi qoǵamdyq tártip pen azamattardyń qaýipsizdigin qamtamasyz etý úshin polıseıler bar kúshin jumsaıdy. Áleýmettik jeli arqyly tarap jatqan, jalǵan aqparattarǵa senbeńizder jáne ony taratpańyzdar. Tek resmı aqparatqa seninizder. Ishki ister mınıstrligi únemi monıtorıng júrgizip, jaǵdaıdy baqylap otyr. Jalǵan, negizsiz aqparat taratýǵa qatysty zańǵa sáıkes qylmystyq jaýapkershilik qarastyrylǵan", dedi E. Turǵymbaev.
