Foto: petrolplus.ru
Jergilikti basylymdardyń málimetinshe, oqıǵa oqý jyly aıaqtalmaı turyp, úlken úzilis kezinde bolǵan. Syrtta oınap júrgen bala mekteptiń jertólesine túsken. Keıin sol jerden ishinde belgisiz suıyqtyq quıylǵan plastık ydysty taýyp, iship qoıǵan.
Muǵalim oqýshydan benzın ıisi shyqqanyn baıqap, surastyra bastaǵan. Sol kezde bala bolǵan jaǵdaıdy aıtyp bergen.
Petropavlda Porsche Cayenne kóligi 12 jastaǵy qyzdy qaǵyp ketti
Sabaq aıaqtalǵansha mektepte bolǵan oqýshy úıine barǵan soń qusa bastaǵan. Anasy ony birden aýrýhanaǵa aparǵan. Dárigerler asqazanyn shaıyp, keıin oblystyq balalar klınıkalyq aýrýhanasyna jetkizgen.
Dárigerler em júrgizgennen keıin balanyń jaǵdaıy turaqtanǵan. Qazir onyń ómirine qaýip joq. Oqýshy aýrýhanadan úıine shyǵaryldy.
Oblystyq bilim basqarmasy 7 jastaǵy balanyń benzın ıisi bar suıyqtyqty abaısyzda iship qoıǵanyn rastady. Qazir oqıǵanyń mán-jaıyn anyqtaý úshin arnaıy komıssııa qurylǵan..
