Osynsha qolma-qol aqshany túngi mezgilde qolyna jalǵyz ustap júrgen áıeldiń de qylyǵy qyzyq eken. Jan daýysy shyǵyp, urynyń artynan júgirgen onyń daýysyn qalalyq patrýldik polısııa batalony ekıpajynyń qyzmetkerleri estıdi.
Polısııa aǵa leıtenanty Asqar Tatanov aýlalardyń birinde jasyrynbaq bolǵan urynyń sońynan júgirip, qýyp jetkende anaý qolyndaǵy paketin laqtyra salyp, jasyrynbaq boldy. Alaıda, polısııa qyzmetkeri onyń zattaı aıǵaqtan qutylmaq bolǵan nıetin iske asyrmaı, shalyp jyǵyp, qolyn qaıyrady.
Sóıtip mıllıondaryn jaıbaraqat ustap júrgen jaıbasar áıeldiń joly bolyp, múlki ózine qaıtaryldy. Qazir onyń polısııa qyzmetkerlerine aıtar alǵysy sheksiz.
"Esim shyǵyp ketken men polısııaǵa habarlasýdyń ornyna baqyryp, urynyń sońynan júgire berippin ǵoı. Áıteýir jolda kezdesken bir áıelder polısııaǵa dabyl jiberipti. Polıseılerge jáne oǵan habar bergen adamdarǵa alǵysym sheksiz", deıdi ol.
Tonaý faktisi boıynsha Qylmystyq kodekstiń 191-baby boıynsha sotqa deıingi tergeý júrgizilýde. 34 jasar ustalǵan adamnyń buryn birneshe ret sottalǵany anyqtaldy. Qazir ol Petropavldyń ýaqytsha ustaý ızolıatoryna qamaldy.
PETROPAVL
