Jalpy, NATO-ǵa múshe eki el tabıǵı baılyqtar úshin kóp ýaqyttan beri kelise almaı keldi. Endi oǵan Grekııa úshin de tarıhı ǵımarat sanalatyn Aııa Sofııanyń jańalyǵy qosyldy. Túrkııa prezıdenti Rejep Taııp Erdoǵan «Sońǵy kúnderi bizdiń elge qatysty teris pikir bildirip júrgenderdiń negizgi máselesi Aııa Sofııa emes ekenin bilemiz. Olardyń negizgi nysanasy – eldegi musylmandar», dedi telearnalarǵa bergen suhbatynda.
Grekııanyń narazylyq bildirýine de sebep bar. О́ıtkeni Aııa Sofııa pravoslav hrıstıandary úshin kıeli oryn sanalady. Grekııa premer-mınıstri Kırıakos Mısotakıs Túrkııanyń bul sheshimine qatysty «Bul kúshtiń kórinisi emes, álsizdiktiń belgisi» dedi. Sonymen birge Ankarany «másele týdyrýshy» dep atap, ózgeristi HHI ǵasyrdaǵy jahandanýdy kelemejdeý dep túsinetinin
jetkizdi.
Túrkııa syrtqy ister mınıstri Grekııa málimdemesinen keıin «Grekııa taǵy da óziniń ıslam men Túrkııanyń jaýy ekenin dáleldedi», dep qysqa qaıyrdy.
