– О́kinishke qaraı, pandemııa ómirimizdegi barlyq salaǵa aralasyp, biz onyń yqpalynda qalýǵa májbúrmiz. Onyń ishinde fýtbol da zardap shekti. Maýsymdyq jarystarǵa keri áserin tıgizdi. Sýperkýbok pen ulttyq birinshiliktiń úsh týrynyń oıyndary jarystyń az ǵana bóligi. Barlyq komanda oqý-jattyǵý jıynynyń ornyn toltyryp, qaıtadan boı úıretýi kerek.
Jarysqa qatysýshylar úshin basty máseleniń biri – jarystyń qashan qaıta jalǵasatynynyń belgisiz bolýy. Komandalardyń barlyǵy daıyndyqtaryn júrgizip jatyr. Týrnır bolmaǵan soń fýtboldan mán ketedi. Sol sebepti osy kezeń fızıkalyq jáne psıhologııalyq turǵydan aýyr. Alaıda oıynshylar men bapkerler úmit jibin úzgen emes.
Pandemııaǵa qatysty eldegi jaǵdaı turaqtalyp, karantın aıaqtalyp, indet juqtyrǵandar jazylyp shyǵady dep úmittenemiz. Ár azamattyń densaýlyǵy jaqsarǵannan keıin oń ózgerister bolady. Jeńil oılanbaı, sanıtarlyq-epıdemııalyq erejeler men hattamalardy qatań saqtaý qajet ekenin qoldaımyn. Dárigerlerdiń keńesterine muqııat qulaq asqan jón.
Pandemııa saldary halyqaralyq kúntizbege de áser etti. Máselen, ÝEFA Eýropa chempıonatyn shegerdi. Eýrokýbok pen qurlyqtyq irikteý týrnırleriniń merzimderi jyljydy. Bas bapkerdiń aıtýynsha, Qazaqstan quramasynyń josparlanǵan eki joldastyq oıynynyń ótpeı qalýy quramanyń keıingi oqý-jattyǵý prosesine keri áser etedi.
– Jospar boıynsha kúz aılarynda ÝEFA Ulttar lıgasynyń irikteý oıyndaryna qatysamyz. Sonymen qatar ÝEFA-nyń bekitilgen kestesi boıynsha Chernogorııa quramasymen joldastyq oıyn ótkizemiz. Jarys kúntizbesi óte tyǵyz. Qazaqstandyq komandalar úshin basty máselelerdiń biri – uzaq jol, ýaqyt aıyrmashylyǵy jáne jergilikti klımatqa boı úıretý. Degenmen qıyndyqtardy artqa tastaı alamyz. Jaz mezgiline josparlanǵan eki birdeı joldastyq kezdesýdiń ótpeı qalǵany ulttyq quramaǵa keri áserin tıgizdi. О́ıtkeni osy matchtar arqyly ulttyq quramaǵa úmitker oıynshylardyń qazirgi jaǵdaılaryn baǵalaý múmkin bolatyn edi.
Dese de Mıhal Bılek Ulttyq quramanyń jattyqtyrýshylar shtaby Ulttar lıgasyndaǵy qarsylastardyń áleýetin tolyq zerttep úlgergenin aıtady.
– Qarsylastarymyzdyń qarymyn tolyq zerttep boldyq dep te otyra berýge bolmaıdy. Kún saıyn jańa aqparattardy izdeý jumystaryn ári qaraı jalǵastyramyz. Chernogorııa quramasy týraly da aqparattar bar. Eń bastysy, Qazaqstan chempıonatyn qaıta jalǵastyrý arqyly jaǵdaıdy jaqsartýǵa tyrysamyz. Halyqaralyq kezdesýler aldynda oıyn tájirıbesiniń mańyzy zor. Jarys jalǵasyp, oıynshylar babyna engennen keıin alǵa qoıylǵan mindetter týraly sóz qozǵaýǵa bolady. Qazirgi ýaqytta boljam jasap, qorytyndy shyǵarý qısynǵa kelmeıdi, – dep qorytyndylady suhbatyn Qazaqstan ulttyq quramasynyń bas bapkeri Mıhal Bılek.
