Aımaqtar • 28 Shilde, 2020

Túlekter toıǵa jınaǵan qarjyny qaıyrymdylyqqa jumsady

135 ret kórsetildi

Jetisýda týǵan aýylyna qol ushyn berýge nıettengen azamattar sany da kóbeıip keledi. Bıyl mektep bitirgenderine 30 jyl tolǵan bir top túlek toıǵa jınaǵan qarjyny qaıyrymdylyqqa jumsaýdy uıǵardy, - dep habarlaıdy egemen.kz.

Máselen Aqsý aýdanynyń Jańatileý aýylyndaǵy orta mektepti osydan 30 jyl buryn támamdaǵan 1973 jyly týǵan túlekter bıyl bas qosý ótkizbek edi. Juqpaly indet qaýipi tóngende ol shara keıinge shegerilgen eken. Endi toıǵa jumsamaq bolǵan jınalǵan azyn-aýlaq qarjyǵa aýdandyq aýrýhanada em alyp jatqan naýqastar men dertpen kúresip júrgen medısına qyzmetkerleri úshin qymyz, shubat  satyp alyp, qoı soıyp beripti. Bul ıgi iske Qarashilik aýylynyń turǵyny, jeke kásipkeri Amantaı Kalelov te óz úlesin qosypty.

"Túlekter aýdandyq ortalyq aýrýhananyń provızorlyq jáne juqpaly aýrýlar bólimindegi qyzmet etetin medısına qyzmetkerleri jatqan E.Sıhymov atyndaǵy mektep ınternatyna baryp, qoıdyń jas etin, qunarly qymyz, dárýmenge toly jemis jıdek, azyq-túlikter men táttiler tartý etti. Aq halatty abzal jandarǵa qoldaý kórsetip, qoldarynan kelgen kómekterin kórsetip jatqan jomart jandarǵa alǵysymyz sheksiz", - deıdi Aqsý aýdanynyń ákimi Esim Bazarhanov.


Almaty oblysy

 

Sońǵy jańalyqtar

Uqsas jańalyqtar