"Qazirdiń ózinde bizge Ulttyq park jumysyna shaǵymdanyp, eskertý aıtyp jatqandar bar. Árbir qońyraý boıynsha tekseris júrgizilip, kemshilik túzetiledi. Máselen, bir habarlama boıynsha jedel shara qabyldanyp, zań buzýshylyq joıyldy. Ulttyq parkterdegi jaǵdaıdy birge ózgerteıik. Tek birikkende ozyq nátıjelerge qol jetkize alamyz", - dedi Ekologııa mınıstri Maǵzum Myrzaǵalıev.
QR EGTRM Orman sharýashylyǵy jáne janýarlar dúnıesi komıteti jedel jelisiniń nómiri: +7777 6785252.
Jedel jeli vatsabyna joldanǵan habarlamada shaǵym aıtýshynyń aty-jóni, sondaı-aq, zań buzýshylyq kórinisiniń sýreti nemese beınetúsirilimi, Ulttyq parktiń ataýy jáne ornalasqan jeri shamamen kórsetiledi.
Osylaısha, eldiń árbir turǵyny elimizdiń tabıǵatyn qorǵaýǵa jáne ony saqtaýǵa qatysyp, turǵyndar arasynda joǵary deńgeıdegi týrıstik mádenıetti qalyptastyrýǵa yqpal ete alady.
Eske salsaq, budan buryn QR Prezıdenti Qasym-Jomart Toqaev "azamattardyń tabıǵı demalys oryndaryndaǵy jappaı mádenıetsizdigi" problemasyn kótergen bolatyn. О́tken demalystan bastap Ekologııa mınıstrligi QR IIM qyzmetkerlerimen, qoǵam belsendilerimen birlesip, adamdar demalatyn tabıǵı jáne erekshe qorǵalatyn aýmaqtarda reıd ótkizile bastady. Zań buzýshylyq bolǵan jaǵdaıda túsindirý jumysy júrgizilip, aıyppul salynady. Bul baǵyttaǵy júıeli jumystar jalǵasýda.
Budan buryn Ekologııa mınıstri Ulttyq parkterde "shashlyk týrızmi" bolmaıtynyn atap ótken. Ulttyq parkterge kelýshilerdi mınıstrlik ekotýrızmdi damytý, onyń ishinde aıaqjoldar men qajetti ınfraqurylym salý arqyly tartpaq.
Mınıstrlik qaramaǵyndaǵy memlekettik ulttyq tabıǵı parkter tizimi:
1. Ile-Alataý MUTP
2. "Kólsaı kólderi" MUTP
3. Sharyn MUTP
4. "Altyn-Emel" MUTP
5. "Kókshetaý" MUTP
6. Baıanaýyl MUTP
7. Qaton-Qaraǵaı MUTP
8. Saıram-О́gem MUTP
9. "Buırataý" MUTP
10. Qarqaraly MUTP
11. Jońǵar-Alataýy MUTP
12. "Tarbaǵataı" MUTP
