Batyr Júkembaev – birinshi jartylaı orta salmaqta judyryqtasatyn, jeńilis dámin tatyp kórmegen kásipqoı boksshy. Ol 1991 jyly 5 sáýirde Jambyl oblysynyń Shý óńirinde dúnıege kelgen. Búginde rıngte "777" laqap atymen keńinen tanymal. Qazirgi tańda WBA Continental, IBF Inter-Continental, IBO International, WBC Continental Americas chempıondyq tıtýldarynyń ıegeri.
Batyr kásipqoı rıngtegi 18 jekpe-jeginiń bárin utyp, 14 nokaýt tirkegen. 2019 jyly ol álemniń eks-chempıony Mıgel Vaskesti jeńip, WBA jáne IBF tujyrymynyń belbeýlerin enshiledi. Jyl basynda meksıkalyq Rıkardo Larany nokaýtqa jiberse, 2018 jyldyń 31 naýryzynda qarsylasyn 35-shi sekýndta-aq qulatyp ózindik rekord ornatty. Júkembaevtyń erekshe judyryqtasý mánerin búginde AQSh pen Kanadanyń bilikti boks mamandary joǵary baǵalap, ony óz dıvızıonyndaǵy bolashaq boks juldyzdardyń qataryna qosady.
Jalpy "RG Brands" JShS-i quramyna kiretin "Resmi Group" dırektorlar keńesiniń Tóraǵasy Qaırat Májibaevty qazaq sport jankúıerleri jaqsy biledi. Ol tek tabysty kásipker ǵana emes el aýzynda sport janashyry retinde de aty atalyp júrgen azamat.
"RG Brands" kompanııasy men "ASU" aýyz sý brendi maqsaty úlken sportshylardy árkez qoldaıdy. О́ıtkeni olarǵa qarap búgin óskeleń urpaq boı túzeıdi jáne elimizdiń abyroıy deıtin qubylys solarmen birge qalyptasýda. Batyrdyń boıynan osy atalǵan qasıetterdiń barlyǵyn taba alasyz. Ol bolashaǵy jarqyn jáne kúsh-qýaty tolysqan boksshy. Bizdiń áriptestigimiz jemisti bolady dep senemin», dedi Qaırat Qýanyshbaıuly.
