Al Aqtóbelikter mınıstrlikke óńirdiń ekologııalyq problemalaryn sheshý josparyn qurýǵa kómektesedi.
"Aqtóbe oblysy jurtshylyǵy óńirdegi ekologııalyq ahýal týraly áleýmettik jelide birqatar máseleler kóterýde. Búgin eko-belsendilermen, jurtshylyqpen osy sebeppen onlaın-kezdesý ótkizdik. Qatysýshylar atmosferalyq aýany monıtorıngileý, lastaýshy kózder týraly tolǵandyrǵan máselelerdi, sondaı-aq problemalardy sheshýdegi óz kózqarastaryn bildirdi", - dep jazdy mınıstr.
"Kezdesý qorytyndysynda eko-belsendilermen birge jaqyn aralyqta emıssııalardy qysqartý, jasyl beldeýdi damytý, óndiris qaldyqtaryn basqarý sharalaryn qarastyratyn oblystyń ekologııalyq problemalaryn keshendi sheshýdiń jol kartasyn jasap, bekitý kelisildi", - dep habarlady M.Myrzaǵalıev.
Bul sharalardyń barlyǵy keıinnen óńirdegi ákimdikpen birge iske asyrylady, dep naqtylady ol.
Sondaı-aq Ekologııa mınıstri "Osy jumystarǵa ún qosqan barlyq aqtóbelikterge alǵys bildiremin. Barlyǵymyz birge aıtarlyqtaı nátıjege qol jetkize alamyz", - dep rızashylyq bildirdi.
Onyń aıtýynsha, mınıstrlik elimizdiń basqa óńirlerinde de osyndaı kezdesýler uıymdastyrýdy josparlap otyr.
