Jańa ǵasyr tabaldyryqtan attaǵan kezden beri túrli jarystarda óner kórsetken Ronaldý qarsylastar qaqpasyn 11 metrlik núkteden 114 márte dál kózdedi. Bul jaǵynan 35 jastaǵy surmergenniń aldyna eshbir fýtbolshy túse almaıdy. Ekinshi jáne úshinshi oryndarda – 2017 jyly sporttyq karerasyn aıaqtaǵan «Romanyń» kapıtany, ıtalııalyq Franchesko Tottı men uzaq ýaqyt boıy «Barselonany» órge súırep júrgen argentınalyq Lıonel Messı. Olardyń árqaısysy 75 retten penaltıdi múltiksiz oryndady.
Sonymen qatar, úzdikter sanatynda Zlatan Ibragımovıch (64 gol), Frenk Lempard (50), Edınson Kavanı (48), Stıven Djerrard (46), Alessandro Del Pero (44), Ronaldıno (44) jáne Serhıo Agýero (41) syndy sańlaqtar bar.
